影片
更多
2021-06-20
387 浏览
逸东轩嘅$38点心优惠一向好抢手，疫情期间都推出过几次呢个优惠，今次终于到我食啦😎呢个优惠只做星期一至五嘅午市，只要$38/$48/$78就可以试到米芝莲级数嘅精美点心，好似做埋今个月就无啦，有兴趣就上网预约吧✅✅佢地全部点心都新鲜出炉热辣辣咁上枱，好好食嫁🤩🐶荀尖鲜虾饺 $38推荐❗️皮薄馅靓嘅虾饺🦐虾饺皮好薄，一咬就食到啖啖虾肉，我无认真数一粒饺有几多只虾，但每一啖都食到爽口鲜味嘅虾仁，而且系最平嘅$38，值得嗌！🐶带子蒸烧卖 $38呢个都系人人都会嗌嘅，所以都有啲期望～我觉得佢系好食嘅，但系只系正常酒楼点心程度个种好食。带子嫩滑，但系存在感唔高，食落口其实都只会食到猪肉馅嘅味，感觉加左带子无令粒烧卖好食左，但佢都系馅料好鲜味，好食嘅烧卖～🐶豉汁蒸凤爪 $38唔推荐🥲好普通嘅凤爪🐓🐶脆皮流沙酥 $38半只手指公咁大嘅流心奶黄酥，因为新鲜出炉，酥皮相当酥化，一咬落去就爆哂啲奶黄馅出黎，系几正。不过食多几啖就觉得个馅偏咸，而且唔系咸蛋个种鲜味嘅咸，仲食到唔太自然嘅香精味，有啲腻。🐶金沙脆豆腐 $48好食❗️豆腐炸得好香口，个皮薄到入口即溶，配埋洒系上面嘅炸蒜好惹味，豆腐好嫩滑，要衬热食哂佢
逸东轩嘅$38点心优惠一向好抢手，疫情期间都推出过几次呢个优惠，今次终于到我食啦😎呢个优惠只做星期一至五嘅午市，只要$38/$48/$78就可以试到米芝莲级数嘅精美点心，好似做埋今个月就无啦，有兴趣就上网预约吧✅✅佢地全部点心都新鲜出炉热辣辣咁上枱，好好食嫁🤩
🐶荀尖鲜虾饺 $38
推荐❗️皮薄馅靓嘅虾饺🦐虾饺皮好薄，一咬就食到啖啖虾肉，我无认真数一粒饺有几多只虾，但每一啖都食到爽口鲜味嘅虾仁，而且系最平嘅$38，值得嗌！
🐶带子蒸烧卖 $38
呢个都系人人都会嗌嘅，所以都有啲期望～我觉得佢系好食嘅，但系只系正常酒楼点心程度个种好食。带子嫩滑，但系存在感唔高，食落口其实都只会食到猪肉馅嘅味，感觉加左带子无令粒烧卖好食左，但佢都系馅料好鲜味，好食嘅烧卖～
🐶豉汁蒸凤爪 $38
唔推荐🥲好普通嘅凤爪🐓
🐶脆皮流沙酥 $38
半只手指公咁大嘅流心奶黄酥，因为新鲜出炉，酥皮相当酥化，一咬落去就爆哂啲奶黄馅出黎，系几正。不过食多几啖就觉得个馅偏咸，而且唔系咸蛋个种鲜味嘅咸，仲食到唔太自然嘅香精味，有啲腻。
🐶金沙脆豆腐 $48
好食❗️豆腐炸得好香口，个皮薄到入口即溶，配埋洒系上面嘅炸蒜好惹味，豆腐好嫩滑，要衬热食哂佢！
🐶逸东小笼包 $48
皮几薄，啲汤热辣辣几够味，不过都算系正常水准，未到有惊喜嘅水平。
🐶春风得意肠粉 $48
肠粉入面包住炸虾肉春卷，其实唔太似肠粉🤣不过都几好食，春卷系因为被肠粉包住而淋哂，而且虾肉填得好满😜口感几丰富！
🐶瑶柱海皇灌汤饺 $78
我无点食～但就咁饮个汤觉得佢无咩深度，唔似用靓料（eg 金华火腿？）煲过好耐嘅汤，唔会想饮完再饮。
整体黎讲都几满意！食物质素优秀，服务同环境都唔错～推荐！
预约网址：https://bit.ly/3jl3Os8
虾饺
17 浏览
0 赞好
0 留言
张贴
