坤記竹昇麵

营业中

休息中

早前在食品展買了包坤記竹昇麵餅，當時唔識貨，以為普通料啫，8個麵餅。有日，卒之試吓佢，大滾水烚佢至麵餅鬆開，加蠔油食。嘩…一試佢，唔得點，彈牙，爽口，無鹼水味。之後諗起電視介紹過，果然 名不虛傳。今天路過這小店，下定決心要現場一試。店鋪不大，環境清潔，一位年長的叔叔招呼，非常有禮貌。下午茶時段，點了一份豬手撈麵$42，加酸梅湯$6。現場食，一樣地震撼，豬手好林，好入味，好好味，麵質好爽口，彈牙，加埋一碗蝦子清湯，完美。當然，真材實料，價錢就見人見智。有機會下次再試其他食品。