粵軒

营业中

休息中

上次同朋友食完六国酒店自助晚餐，离开时见到对面粤轩有个好吸睛的黯然销魂饭套餐，都系$388，大家当时已经约定揾日一齐去食。原先谂住无机会食到，因为依个套餐只做到3月31日，但早两日打去问下，原本餐厅延长到4月16日，机会难得，立即夹埋一齐gogogo 。醋珠沙律菜沙律菜新鲜，一粒粒黑色醋珠，入口偏酸，开胃一流。芹香梅菜蒸龙趸球每一份都用上蒸笼去蒸，里面重有好有营养嘅黄茸，除保持肉汁，令龙趸球更易吸尽精华，入口更香更滑嫰。松茸螺头炖雪雁炖汤真材实料够火喉，浓郁暖胃，里面每件猪肉粒肉质都劲嫰。黯然销魂饭主角上枱已经俾大大件嘅叉烧吸引，叉烧烧得好靓，件件厚切。唔好净系谂住得叉烧有水准，佢地嘅㶶边蛋和饭同样不得了，佢地将紫洋葱碎混到饭里面，加埋佢地嘅秘制豉油，又饱又满足。最后黎个甜品大红袍茶皇糕和金腿玫瑰酥。想去食嘅就尽快喇，因为做到4月16日，记住去食黯然销魂饭套餐之前，要提前一日打去预约，因此制作需时，无预约随时食唔到，到时你个心情就真系好黯然。