影片
更多
2018-09-23
273 浏览
放假难得早起，于是去食个early lunch先，喺Openrice见到齿留香好评如潮，放是去试一试。近太子地铁站D出口，转个弯就到，门面唔起眼，但见到挂喺㕑窗嘅一只只油鸡，烧鹅同充满光泽嘅叉烧，就知道已经到左齿留香。入到去，亲切可爱嘅侍应小姐好快带左我去一张枱度坐低，递上一杯暖水同餐牌。本来想试乳猪，但侍应小姐话未有，于是改为试油鸡脾加必试嘅No.1叉烧配濑粉。午餐送足料老火汤或热饮，于是打算试下个老火汤有几足料，但侍应小姐又话个汤未煲好，于是失望地叫返杯冻柠茶再加碟蚝油生菜，补充下膳食纤维。话都无咁快，濑粉已经送到我面前，烧味同冻柠茶亦随即送上。碗濑粉望落似米线，比较粗身，食落唔会太硬。然后当然轮到主角:叉烧同油鸡脾。首先试No.1叉烧，叉烧望落充满光泽，一咬落口已经知非一般叉烧，肉质非常软熟，充满肉汁，外趣内软，外层充满蜜糖嘅香甜味，中间嘅肉都好入味。No.1叉烧果然名不虚传，不愧为2018年烧味冠军，食完的确齿颊留香！接住试埋个油鸡脾，外皮上色刚刚好，色泽均匀，急不及待夹一旧放入口，果然同样无令我失望。鸡皮爽口，无多余脂肪，皮肉分明，鸡脾肉质非常嫩滑，食完满口油香而唔会有肥腻感
近太子地铁站D出口，转个弯就到，门面唔起眼，但见到挂喺㕑窗嘅一只只油鸡，烧鹅同充满光泽嘅叉烧，就知道已经到左齿留香。
入到去，亲切可爱嘅侍应小姐好快带左我去一张枱度坐低，递上一杯暖水同餐牌。本来想试乳猪，但侍应小姐话未有，于是改为试油鸡脾加必试嘅No.1叉烧配濑粉。午餐送足料老火汤或热饮，于是打算试下个老火汤有几足料，但侍应小姐又话个汤未煲好，于是失望地叫返杯冻柠茶再加碟蚝油生菜，补充下膳食纤维。
话都无咁快，濑粉已经送到我面前，烧味同冻柠茶亦随即送上。碗濑粉望落似米线，比较粗身，食落唔会太硬。然后当然轮到主角:叉烧同油鸡脾。
首先试No.1叉烧，叉烧望落充满光泽，一咬落口已经知非一般叉烧，肉质非常软熟，充满肉汁，外趣内软，外层充满蜜糖嘅香甜味，中间嘅肉都好入味。No.1叉烧果然名不虚传，不愧为2018年烧味冠军，食完的确齿颊留香！
接住试埋个油鸡脾，外皮上色刚刚好，色泽均匀，急不及待夹一旧放入口，果然同样无令我失望。鸡皮爽口，无多余脂肪，皮肉分明，鸡脾肉质非常嫩滑，食完满口油香而唔会有肥腻感。
当我食到一半，沉醉紧系叉烧同油鸡脾嘅时候，侍应小姐送上一碗足料老火汤，啱啱话未煲好嘅老火汤已经煲好咗，当然要试埋啦！好有诚意，值得一赞！最后配埋碟蚝油生菜，饮埋杯冻柠茶，是日午餐就大满足！
张贴
