六角

营业中

休息中

唔系朋友介绍都唔知道湾仔星街附近有间超高质嘅日本餐厅，虽然系小店，不过听闻原来有好多名人帮衬，难得老公今日嚟接我放工，一于去试吓撑枱脚。厨师发办嘅二人餐， $1000有找，价钱都算合理。头盘小食有蟹籽沙律，豆腐沙律，同埋日本生蚝，生蚝一啖一口，非常香滑。另外，吞拿鱼蓉原来配埋脆片一齐食，又增加咗唔同嘅口感，作为前菜送酒一流。寿司八嚿，厨师发办厨师决定边样最新鲜就俾我哋食，我觉得当日最精彩应该系够拖罗，仲有海胆三文鱼子杯，食完真系有幸福嘅感觉，刺身全部好新鲜好肥美。天妇罗亦都有别其他普通餐厅，本身唔系好食青椒嘅我，竟然系青椒入边放入明太子，食入口唔会好苦，但有明太子小小辣味，非常好食。鳗鱼蒸蛋，真系第一次试，鳗鱼好肥美，蒸蛋好滑，最后食埋鸡三味，有鸡肉丸，鸡块，同埋有鸡翼，估唔到非常饱，最后食埋个甜品，呢餐真系好满足，埋单每人几百蚊其实真系好抵，有机会要带妈妈嚟再食。