影片
更多
2017-06-14
75 浏览
今晚同好友相聚，朋友介绍黎位于尖沙咀亚士厘道17-19号19楼既Chef Stage，由地铁站行过黎都只系几分钟，非常方便。Chef Stage de Eddy Chu ，顾名思义，就紧系由老板兼总厨既Eddy Chu坐镇主理架啦。系Openrice 到睇到，佢系酒店业界被喻为「西餐浪子」，入行超过三十年，仲曾任职多间星级酒店及高级会所添。餐厅环境唔错，晚饭时间亦都唔会好嘈，服务又好，如果想揾地方坐耐d，同朋友倾下计，呢到会系唔错既地方。餐酒选择都好多，不过我地今日拣既系sweet red wine 同埋Mystery Mocktail。Sweet red wine: 加左苹果粒既红酒甜甜地，有轻微既水果甜香，但又唔会盖过红酒味，喜欢饮红酒既朋友真系可以试下。Mocktail方面系以有汽提子汁加入杂果整成，入口非常清新。 艾迪乳鸽 : 西餐有乳鸽食都系第一次，所以点都要试下。呢到既乳鸽卤得好入味，有别于一般中式乳鸽咁，呢到既西式乳鸽无咁脆，餐厅用上BB鸽，所以肉质非常细嫩而且充满肉汁，亦都唔算多油。最值得一赞既系餐厅非常贴心，提供湿纸巾俾客人，等客人可以用手食乳鸽。松露煮法国原粒蘑菇
Chef Stage de Eddy Chu ，顾名思义，就紧系由老板兼总厨既Eddy Chu坐镇主理架啦。系Openrice 到睇到，佢系酒店业界被喻为「西餐浪子」，入行超过三十年，仲曾任职多间星级酒店及高级会所添。
餐厅环境唔错，晚饭时间亦都唔会好嘈，服务又好，如果想揾地方坐耐d，同朋友倾下计，呢到会系唔错既地方。
餐酒选择都好多，不过我地今日拣既系sweet red wine 同埋Mystery Mocktail。
Sweet red wine: 加左苹果粒既红酒甜甜地，有轻微既水果甜香，但又唔会盖过红酒味，喜欢饮红酒既朋友真系可以试下。
Mocktail方面系以有汽提子汁加入杂果整成，入口非常清新。
艾迪乳鸽 : 西餐有乳鸽食都系第一次，所以点都要试下。呢到既乳鸽卤得好入味，有别于一般中式乳鸽咁，呢到既西式乳鸽无咁脆，餐厅用上BB鸽，所以肉质非常细嫩而且充满肉汁，亦都唔算多油。最值得一赞既系餐厅非常贴心，提供湿纸巾俾客人，等客人可以用手食乳鸽。
松露煮法国原粒蘑菇 : 用小锅上菜既原粒蘑菇，带有香浓既黑松露味，非常有咬口，加埋咸咸地辣辣地既香肠，特别刺激味蕾，令人越食越开胃。
大大只虾多士: 平时食开虾多士都系细细块，一啖一件，今次咁大件虾多士我真系第一次见，面包上面加入虾之后沾上炸粉炸成既虾多士，上台时热辣辣，入口外酥内软，啖啖都会食到虾肉，好弹牙，沾埋带有少少冬荫公味既酱汁，整体配合同口感真系有别于平时食到既虾多士呀。另外，伴碟有少量既沙律，食完油腻既虾多士食返少少沙律，真系份外清新。
烧西班牙黑毛猪肉眼盖 : 黑毛猪表面烧到微脆，厚身得黎又唔会好肥，入口时肉质鲜嫩，仲有丰富既肉汁，可见火喉控制得岩岩好，唔会烧到好干。伴碟既有蕃薯蓉，烧蕃茄，芦笋，菠萝同埋basil。厨师仲教我地先食菠萝同埋basil，咁样就可以清除上一道菜剩余系口腔内既味道，专心咁慢慢品尝呢味黑毛猪肉眼盖啦。
香蒜辣味鲜虾肉意粉: 另一份主菜我地拣左意粉，除左虾之外，仲有车厘茄同蘑菇做配料。用小锅上菜既意粉，煮得刚刚好，唔会太腍太硬。意粉汁带开胃蒜香味，入口带微辣，酱汁做到包得住每一条意粉，而且唔会过油，简单得黎仲令人食得开胃。唯一美中不足既系虾肉份量比较少，落多少少会更加好。
总括来说，呢到无论环境，食物同服务都非常好，最值得一赞既系店员知道我地D 食物系share 食，会系适当既时候同我地换碟，方便客人之余仲唔会骚扰到佢地。虽然呢到唔系酒店餐厅，但系不论食物同服务，都令我感到自己系五星级酒店食饭一样。
张贴
