蘇山雞飯

营业中

休息中

之前去长沙湾食嘢已经经过呢间好想试，于是的起心肝约去食，唔约真系唔会去呢头。雪糕班兰奶茶雪糕系椰子味，不咗一嚿嚟食几好食，不过班兰奶茶就饮唔出斑兰味，一杯淡啲嘅奶茶咁。咖央多士嚟到见到个牛油劲厚，好震惊！不过咬落原来剩系得半块近切面𠮶边嘅牛油，但食到尾其实个量都够，太多就太油腻太滞，但系斑兰味就比较弱，主要都系食到鲜油多味。新鲜热食都系好味嘅！辣酱玻璃鱿鱼通菜估唔到几好食，少少辣味道丰富，而且跟餐加钱嗌都唔孤寒，好大碗。海南鸡喇沙喇沙汤底唔错，汤够热，油面米粉各一半，又有豆卜又有鱼蛋几丰富！不过真系要趁快食，啲汤比面吸收得好快。但海南鸡就弱啲，以鸡嚟讲唔差，但就食唔出海南风味，有啲似白切鸡，个海南鸡辣酱都普通。椰子鸡煲汤好清甜超好饮，忍唔住饮咗好多碗，椰肉亦爽滑。不过鸡就真系冇乜味，完全要靠豉油去带出味道，不过个豉油加咗辣椒青柠沙姜点出黎个味都唔错，只系本身期望会有多啲椰味唔需要靠晒酱汁。跟鸡煲个油饭都唔错，其实都唔清楚呢种算唔算油饭，因为佢感觉完全唔油，同细个食啲饭嘅味道都唔同，比较干身同埋重香料味，但系好食嘅。