影片
更多
2022-06-25
883 浏览
我都真系好耐冇喺OpenRice写食评今次专登写，都系为咗警告世人唔好再中伏！我就住粉岭嘅，听过有啲人讲话联和墟有间爵士拉面唔错，又话系日本人主理今日就终于嚟试吓佢到底咩料一入去坐低，格局几有日本feel望到餐牌，定价都系非常进取，讲紧一碗拉面要差唔多一百蚊，转其他汤底仲要加钱😨咁好啦，一场嚟到就试吓佢个爵士拉面，加2蚊转埋佢个味噌汤啦落完单就要即刻俾咗钱先，两碗中爵士拉面转味噌汤，茶水加$1，Total $202咁等拉面都等咗差唔多三、四个字中间越等就越对佢有期待，见佢又有自家酿制梅酒，好似好正宗咁😳点知碗嘢一嚟到，我内心真系有啲崩溃因为碗嘢劲似我中学附近食𠮶啲港式日本餐厅嘅拉面咁如果你唔明我讲紧咩嘅话，你就当系好似味千拉面咁嘅款为咗方便大家睇，以下我会列点式咁样写出佢嘅伏位1️⃣汤底极淡本身讲紧味噌汤底已经要加两蚊，又写明系浓，自然对佢有期待。点知饮第一啖已经觉得好淡，仲衰过出前一丁味噌味𠮶只汤底，喊出嚟。2️⃣啲面系碱水面！呢个真系X出声，按照道理收紧$101一碗，你无理由系俾出面𠮶啲「港式拉面」我㗎吓嘛？😨讲紧台风都系$78 㗎咋，但人地个面食得出系手打，唔系碱水面。你俾碱水面我你就唔
今次专登写，都系为咗警告世人唔好再中伏！
我就住粉岭嘅，听过有啲人讲话联和墟有间爵士拉面唔错，又话系日本人主理
今日就终于嚟试吓佢到底咩料
一入去坐低，格局几有日本feel
望到餐牌，定价都系非常进取，讲紧一碗拉面要差唔多一百蚊，转其他汤底仲要加钱😨
咁好啦，一场嚟到就试吓佢个爵士拉面，加2蚊转埋佢个味噌汤啦
落完单就要即刻俾咗钱先，两碗中爵士拉面转味噌汤，茶水加$1，Total $202
咁等拉面都等咗差唔多三、四个字
中间越等就越对佢有期待，见佢又有自家酿制梅酒，好似好正宗咁😳
点知碗嘢一嚟到，我内心真系有啲崩溃
因为碗嘢劲似我中学附近食𠮶啲港式日本餐厅嘅拉面咁
如果你唔明我讲紧咩嘅话，你就当系好似味千拉面咁嘅款
为咗方便大家睇，以下我会列点式咁样写出佢嘅伏位
1️⃣汤底极淡
本身讲紧味噌汤底已经要加两蚊，又写明系浓，自然对佢有期待。
点知饮第一啖已经觉得好淡，仲衰过出前一丁味噌味𠮶只汤底，喊出嚟。
2️⃣啲面系碱水面！
呢个真系X出声，按照道理收紧$101一碗，你无理由系俾出面𠮶啲「港式拉面」我㗎吓嘛？😨
讲紧台风都系$78 㗎咋，但人地个面食得出系手打，唔系碱水面。
你俾碱水面我你就唔应该收我呢个价啰。
3️⃣配料质素差
肥牛系打边炉cheap cheap肥牛
一条仔蟹柳
海带、粟米
叉烧有三旧，不过不失，唔太难咬，但称唔上好味
‼️总括而言，呢间爵士拉面伏嘅指数系
十粒星🌟🌟🌟🌟🌟🌟🌟🌟🌟🌟
系我呢世人里面食过数一数二伏嘅餐厅💩
收得$101一碗，俾嘅质数完全对唔上呢个价钱
如果你话俾我听呢碗野$38嘅，我会觉得冇问题
但呢碗系味千质素咁嘅拉面，收我$101，我会建议大家真系悭返啲钱食其他好过
香港有好多好高质嘅拉面店
有日本人主理唔代表啲乜野
作为粉岭人，成个区最出名嘅拉面竟然系呢间咁嘅「爵士拉面」，真系觉得好羞耻
张贴