東來順 (已結業)

一行五位订左枱，坐底听下经理介绍呢度既得奖名菜 "鹤湖蟹影" 及 "左右逢源"，咁当然要试下，跟住叫醉鸡，涮羊肉，由于经理表示 "左右逢源" 系一条两斤重既东星两种做法，食左先再选其他食物，避免食唔晒。好期待两个得奖名菜  .......... 卖相绝对华丽，手功精细。姜茶制造既小蟹味道较为清淡，姜味微弱。第一食黑松露杂菇炒东星斑球，味道较淡，黑松露香味较弱，鱼肉亦唔够嫩滑。第二食酥炸东星斑球，鱼味尚可，但味道较淡，我觉得炒球效果更佳，因为食东星系食嫩滑既肉质，经过油炸之后肉质较实。醉鸡唔错，酒味适中；涮羊肉肉质较肥，膻味较强，肉质一般。对整体上有少许失望，但服务态度十分恳勤，值得赞赏。