斗滾 (適安大廈)

营业中

休息中

早前见到社交平台 某专页介绍慕名前来的一餐，间舖有地面同隔离地库，我哋一行4人被安排坐喺隔离地库那边，一入到店感觉都唔错而且地方都干净。首先系上左个鸡煲，有几种辣度俾你选择，我哋就选择左BB辣，平心而论个鸡煲系几好味，鸡煲系可以无限添食的。如果你觉得已经食够鸡煲可以叫店员上蒸海鲜拼盘，海鲜拼盘有圣子 鲍鱼 虾 胜瓜 带子同乌冬。食完海鲜可以通知店子上边炉。今晚我哋系「虫草花乌鸡汤」可以饮左汤之后用嚟打边炉。一开始店员会上左2碟牛肉先，点知一开始打边炉打算出去拎配料。一打开雪柜发现绝对绝对唔系专面介绍有30种配料，我见得一、两款菜、有菇、鹅肠、出前一丁、韩国即食面、墨鱼胶、响铃，已经见唔到其他配料，而且墨鱼胶同鹅肠新鲜程度好一般，最后我哋嘅只系食左牛肉就叫店员上甜品。值得一提系….因为我哋被安排坐喺地库，我见长期得一名店员顾店面，所以每次你需要叫店员帮忙的时候，你都需要等一段时间或者叫好多好多次才会来帮忙…. 所以绝对系冇服务可言。其实我都明白店员但难处，但当你每次要添食鸡煲、上海鲜拼盘、转打边炉、添食牛肉，你都叫很多很多次才会有店员来帮忙，最后系已经冇心机再食。总括：唔会再有下一次🙅🏻