斗滾 (適安大廈)

营业中

休息中

呢間係最近大熱嘅火鍋店，事關佢只需每人$388，就可以食雞煲，海鮮，打邊爐同埋糖水，真係超級抵！雖然環境就迫咗少少，同埋有限時兩個鐘，但係咁抵食將就少少都無妨啦雞煲個人就覺得佢啲雞嫩滑過好多知名雞煲舖頭，不過就冇得分別揀辣度同麻度，不過佢就可以任食，仲好體貼咁俾埋隻雞仔鬧鐘你，幾時先食得就可以指意個鬧鐘海鮮拼盤食完雞煲佢就會上海鮮拼盤，一個拼盤有齊帶子鮑魚聖子蜆同蝦，咁呢個就冇得任食嘅，但係佢會人頭上俾你，保證你每個人都食到咁多打邊爐重點梗係任食嘅打邊爐啦，我呢度就加咗$38轉烏雞湯底，咁補一嚟到梗係飲返碗先啦，任食素材喺個櫃度有得拎，而任食嘅牛肩肉就要同職員落單，呢個牛肩肉就係打邊爐嘅重點，就算唔食櫃入面嘅丸類同菜類都要食返幾碟牛肩肉，超級高質！糖水打邊爐打到差唔多夠鐘嘅時候佢就會比呢個椰汁雪燕你，都係每人一碗，但係呢個都係必食，所以就算之前食幾多牛，都要留肚食個糖水

《第一招：麻辣雞煲》 雞煲可以揀辣度 因為我地有同行嘅鼠鼠唔係好食得辣 所以淨係揀咗bb辣 都好夠味同好惹味平時食雞煲都無乜機會自己動手 呢度食可以自己炒下 都係一個唔錯嘅體驗雞煲可以無限追加 但係大鼠建議唔好心急 一定要留肚食後面嘅重點食物.《第二招：海鮮盛宴》根據非正式統計 每一台嚟食斗滾嘅客人都係為咗呢一個海鮮拼盤 IG打卡絕對唔失禮海鮮拼盤包括 鮑魚 蟶子 扇貝 海蝦 龍躉 花蜆 同埋烏冬每一樣海鮮都係非常之鮮甜 而且用咗非常夾海鮮嘅蒜頭嚟調味 略嫌海蝦有少少遜色 其他都係中上水平大鼠好鍾意食佢嘅烏冬 因為佢索曬所有嘅精華 可以食得出海鮮嘅鮮味 Nice!.《第三招：滋補火鍋》雖然四人同行可以免費升級做烏雞湯 但係大鼠都係鍾情於清湯安格斯牛腩湯首先可以飲吓佢哋嘅湯 非常之清甜 飲完又唔會覺得口乾 而且佢個安格斯牛腩都好出色 又冧又重牛味 唔會話因為攞咗嚟煲湯就好靭飲完湯就可以攞呢個湯底打邊爐 只要喺斗滾嘅社交平台留言就可以任食佢哋嘅手切牛頸脊 一定滿足到作為食肉獸嘅大家出邊嘅雪櫃仲擺咗唔同嘅火鍋配料 同樣都係任食 而且種類都好多.《甜品：椰汁雪燕》食完任食雞煲同埋打邊爐已經好飽

位於呢個西環嘅一間飲食嘅火鍋店呢～就真係好豐富好多嘢食～咁首先嚟到係一個雞煲啦，然之後呢個海鮮拼盤可以計人頭！每人一隻蟶子啦一個扇貝啦一隻鮑魚！都好新鮮又好好味啦，仲係已經可以即刻食啦，所以其實佢係任食呢～本身已經雞煲加呢個海鮮拼盤好飽啦！再加埋出面嘅嘢飲又係任飲跟住之後仲有好多嘅菜啊～啲牛啊墨魚滑都好好食嘢食啊👍🏻係自己拎再自己拎黎打邊爐嘅咁！真係大滿足～都係$268一位+1真係好抵又好食，好想快點同介紹大家嚟食！

第一個Step係食雞煲，雞煲係麻辣口味，可以自己選擇辣度，我們選擇的是小辣，雞煲很惹味，我們都refill了一次第二個Step是食海鮮，海鮮選擇也很多，有鮑魚蟶子、帶子、海蝦、魚，海鮮也算新鮮，最好食是帶子真的是鮮甜。第三個Step是飲湯，我們選擇的的是椰皇雞湯，真的很清甜，我也忍不住喝了三碗，很推薦這個湯底🤤第四個Step是打邊爐，任食的牛很好吃很高質，是非一般放題店的劣質牛，很有嚼口，而且牛味都很重，我自己一個人都吃了三盤🫣另外，因為是慶祝生日，所以有送和牛蛋糕，外貌很壯觀，很適合打卡🥰要改進的是等候入座方面，我們預約了8:15，但最後入座的時間差不多是8:40🥹另外，環境會比較逼狹和環境噪音也很大，要很大聲去聊天😅但整體三百多可以吃到那麼多東西，真的很值得，食物質素也很好，值得推薦！！

今次光顧呢間粵菜食府,實在是一次難忘的味蕾之旅。首先映入眼簾的是充滿東方特色的餐牌設計,立即給人一種獨特傳統的感覺。細看各款粵式經典菜式,不禁讓人垂涎三尺。其中,令我最感興趣的是「海鮮拼盤」。這道菜色彩繽紛,採用了多種優質食材如鮑魚、螺肉、海參等,無疑是一道精緻華美的前菜。而且每種食材的烹調手法亦別具匠心,不但保留了原本的鮮味,更能凸顯出各自的特色。佐以獨特的開胃醬汁,更是令人百吃不膩。另一道吸引我的,是那令人食指大動的「清補火鍋」。湯底十分濃郁,配合彈牙的肉片和各種時令蔬菜,令整體口感層次豐富。除此之外,店家亦貼心提供了自製的香噴噴姜蓉,為這一道經典粵式火鍋增添了更多層次。最後,我實在難忘那份上等的牛肉,香味四溢,肉質更是鮮嫩可口。每一口都令人回味無窮,彷彿置身於舌尖上的極樂世界。總括而言,這間粵菜食府匯集了不少廣東地道的名菜,實在是一個尋味之旅的好去處。無論是慶祝節慶,或是與親朋好友一同聚會,都能在這裡找到適合的餐點選擇。我相信我還會再次光臨,一嘗更多粵菜美饌。

收左工同成班同事一齊黎到山道既斗滾食雞煲打邊爐 平日關係所以只係$268 一個人😱（加一後$295）呢個價錢真係抵到爛 真係唔知點做得住🔸大亂斗雞煲先黎個雞煲 雞肉新鮮，切得適中，煮熟後鮮嫩多汁。調味用咗四川花椒同辣椒，我哋叫咗BB辣，非常適合我哋嘅口味 仲要係任添🤤🤤🔸海鮮盛宴佢哋嘅海鮮盛宴真係打卡一流！我地8個人既份量攤開有一大盤😲😲 超壯觀‼️入面有鮑魚、蟶子、扇貝、海蝦、花蜆同龍躉，仲有讚歧烏冬！每樣海鮮都好新鮮，搭配上蒜蓉粉絲真係好惹味😆😆👅🔸烏雞豬展湯湯底十分清甜，味道非常鮮美。烏雞煮得剛好，肉質鮮嫩，搭配上豬展，兩者嘅味道完美融合，特別適合開始轉涼嘅天氣。🔸任食手切牛頸脊牛肉切得厚薄適中，肉質鮮嫩，同埋真係好重牛味😍 用烏雞湯個湯底烚熟去再點埋火鍋豉油真係一流其他火煱配料都係比較普通既配料 但食到最後已經好飽好飽 同埋呢個價錢有雞煲海鮮邊爐仲想點🤣🤣 難怪平日夜晚都長期滿座

係社交平台就見人Po得多，終於有機會約到一大枱人一齊食斗滾。等位入去嘅時候見到好多都係學生，果然係re-u好去處xd 餐廳一個價錢包咗雞煲+雞湯+海鮮拼盤+邊爐任食，雞煲我地就無咩點refill，因為要留肚食牛肉。其實完全係眼闊肚窄，食到嘅嘢唔多，勝在係海鮮拼盤打卡好睇，同埋一班人打邊爐開心。當日比安排咗坐最入面，無咩侍應理入面，同埋後面有啲紙箱雜物。

斗滾一向係我打邊爐嘅首選，今日又過黎幫襯，首先第一步食咗雞煲先，雞煲可以任加，然後就可以食海鮮，海鮮種類很多，有蝦有扇貝有蟶子仲有龍躉肉，然後就揀湯底，可以揀養生湯，之後就可以開始任食牛肉，值得一試😝

咁啱同朋友嚟開西環 就去咗依到食雞煲同打邊爐$298一位有齊雞煲、海鮮、邊爐 真係好抵食所以都full house 坐得有啲逼 同會有啲嘈雞煲都幾多肉 醬汁幾惹味 正常放題嘅質素啦~~第二輪就係蒸海鮮有扇貝有蝦有鮑魚有蟶子 都幾豐盛嘅味道都還可以嘅跟住又換煲打邊爐 成餐都好豐盛好忙碌 食到少少狼狽😂follow ig 仲可以任食牛頸脊肉味都幾濃郁嘅打邊爐配料都係任食 但太多人嘅關係 refill得有啲慢 都等咗陣先有最後仲有會甜品埋尾全部都正正常常啦 好好食又唔係 勝在抵食🫡

好啱三五知己一齊去食飯，有得任食雞煲，又有新鮮刺身，仲有大大盤蒸海鮮，最後打埋邊爐，一次過滿足晒所有人嘅願望雞煲可以揀辣度，第一轉食完小辣覺得唔夠喉，第二轉要揀中辣店員有介紹雞煲所需時間，側邊亦都有個Timer幫手計時，中辣好惹味，每一轉份量唔算好多，但係唔夠可以再食。之後有一大盤蒸海鮮，扇貝鮑魚蝦蟶子應有盡有，每一款都好鮮甜，唔使點任何豉油都好夠味。食完海鮮仲有一碟馬刀貝刺身，同樣好鮮甜👍🏼終於食到最後可以打邊爐，店員介紹可以飲咗個湯先，果然幾清甜。肉肉任食，食到後面已經飽，牛頸脊都食唔到好多😂有任飲既汽水同飲品 (啤酒除外)，雪櫃有大量唔同既小菜配菜同生果，好抵食打完邊爐食埋椰汁雪燕，完美。

終於去食到呢個雞煲邊爐四式啦成晚餐廳都好多人一台接一台座無虛席 要訂枱先有位邊個話香港餐廳無人幫襯 但缺點係成間餐廳都好嘈邊爐牛肉野飲同配料任食，但係去到嗰個位我已經唔係好食得落嘢，只係煮咗一個公仔麵。。。糖水好飲 為呢餐作出完美句號

早前一早已經繳付訂金預約了12人位，準時到達。然而到達時卻發現座位擠逼。當時房以及大部份店面空置。我們向侍應詢問後侍應表示有另一組人數相約的客人booking，需要留房給他們而我們12人不能使用。我們故而轉向詢問卡位，侍應竟然表示12人組合需要坐6人+4人枱！！而卡位的兩張6人枱，需要留給稍候晚市可能​的6位+6位walkin客人。難怪我們感到擠逼！追問之下侍應更表示並非6人逼一張4人枱，而是其中兩副碗筷需要放在兩張枱的罅隙上，而兩張枱並非平齊，碗筷傾斜。這顯然非正常的碗筷擺放位置、亦完全不合理。不僅座位overlap，在靠近走廊一側的兩個座位亦有一半在走廊上。每每侍應、顧客走動均會碰撞。在上第一個雞煲時，我們詢問後才得知需要每兩分鐘自己翻炒一次。牛肉火鍋如圖。在此不作贅述；

母親節訂左25人房位，去到佢比兩張枱加埋18個位，叫我地自己坐25人，位就擺左25個，但我完全唔知點可以坐到25人🤬🤬🤬攪左一大輪之後大約35-40分鐘，話要我地搬出去分開3張枱坐，母親節一班人慶祝既意義去左邊？另外所有服務員既態度係我前所未見咁差🤬🤬唔知以為我地得罪左佢咩野🙄一坐低枱面盒紙巾上一班客整污糟左，我叫個服務員幫我換一盒，佢隨手扯起第一張，話咁就得嫁啦，入面無污糟嫁ma🙄係無問題嫁啦🙄🙄🙄救命🆘我地叫左個雞煲中辣，另一個服務員拎住個雞煲問邊叉個叫中辣🤬🤬入到去d 位逼到跟本行唔到路，又坐得唔舒服，母親節做唔掂咁多張枱就唔好強行開咁多張枱，出黎比錢食飯仲要受氣🤬🤬仲要比$700幾蚊加一服務費，我唔知道我地得到咩服務😳

在半個月內已經revisit 兩次，重點如下：💥招牌大亂鬥 -雞煲無限添加，確定吃完會上下一道菜，後面也不能回購雞煲，大家要拿捏吃量哈💥海鮮盛宴 -蒜茸粉絲蒸海鮮配烏冬面，按人頭每人一份鮑魚、蟶子皇、大扇貝、花甲、海蝦及班腩片，極鮮味十足💥養生燉湯 -材料很多很多。。。有成隻烏雞、豬骨、蟲草花、紅蘿蔔、粟米、桂圓等等，先喝兩碗吧🉐💥手切牛頸脊放題-只需社交平台點贊或跟蹤官方帳號, 就可以送上一盤又一盤的牛頸脊，不過每一盤的質素可能有點不一樣，我們從第三盤開始送來的比較高質💥最後就是火鍋配料放題-30款以上的火鍋配料，特別記得有鴨血、水魷魚、豬皮、蝦滑、墨魚滑、炸魚皮、響鈴卷、廚師腸、午餐肉、蜂巢豆腐、萵筍、海鮮菇、秀珍菇、芋絲、鴨血、鵪鶉蛋、皮蛋、出前一丁等等等等💥還有甜店椰汁雪燕 、10款以上的罐裝飲品放題，酒精飲品另外收費，不過每瓶也只是$20多，好合理

朋友太太極力推薦這間食店，於是星期日與另外三位朋友6:30pm嚟到西環分店。店內裝修不是太講究，但感覺舒服，亦不太擠迫。這裏飲品任飲，有很多選擇。職員先為我們送上雞煲，然後教我們用計時器計時，經幾次翻熱後終於食得，我們選擇了BB辣，雞嫩滑惹味，很快就吃掉了一煲。職員問我們是否想再來一煲，我們決定留肚吃海鮮及牛肉，所以拒絕了。然後職員為我們送上一碟海鮮拼盤，不同的海鮮鋪滿在一塊荷葉上，實在非常美味。吃完職員便問我們下一轉火鍋想要老火湯底抑或椰皇燉湯做湯底？我哋決定試椰皇燉湯。燉湯到了，大家先喝一碗，椰皇湯果然非常鮮甜，然後就開始打邊爐。這裏有很多自助火鍋配料，牛肉在你社交平台讚好了此店之後便可以任食。快樂不知時日過，不經不覺吃到九點幾十點，最後仲有甜品送，冇得頂！這裏其中一個好處是不限時任食，所以大家都食得非常滿足，決定下星期日再嚟幫襯😂😂😂