源興美食

营业中

休息中

本人第一次从OpenRice揾到呢间小店：满怀希望咁去食，首先地方难揾，门面只系茶餐厅装修，楼面伙计又唔够，净系做外卖都吾够人手，最重要嘅系食物嘅价格可以媲美大酒楼，因为我唔知道系私房菜 ( 呢点系我过失 ），所以好多食物都要预订先至有得食，终于只系食咗烧腩仔同糯米鸡翼，讲真糯米鸡翼烧得过火，皮硬夹㶶，$47咁细只唔见得特别好食，烧腩仔肉就够林，不过肥膏层吾够，仲要等成30分钟，因为店主话系即整，咁冇办法，终于食唔饱之后仲要去揾云吞面食，因为厨房预备食物系要早预订，菜单嘅款式又唔多，walk-in 客就会冇啖好食，终于两个人食咗$300唔知食咗乜嘢落肚，我觉得咁嘅价钱不如正正经经去揾间酒楼食晚饭，仲坐得舒舒服服，尤其系而家香港咁嘅环境，唔算抵食同好好食，性价比唔高。