打邊爐海鮮火鍋燒烤店 (已結業)

好耐无打边炉啦！衬天气仲未热得哂, 梗系要打返餐好既！因为我地行十人, 所以嗌左一条鱼同一个足丝鸡汤底锅补补佢！店员话佢地系用新鲜既石班去做烤鱼，所以价格比其他地方贵少少，但我觉得都抵食既，因为鱼好大条, 好新鲜, 我自己就食唔到咩泥味既亦唔觉得腥。鱼系先煎过外皮，再慢慢炆熟，配料有芫荽，菇菌，唔同既辣椒，大豆牙，唐茜芹。出奇既系佢竟然唔系好辣, 只系酸酸地仲有啲甜味！鱼肉嫩滑，鱼骨又唔多，惊食到鱼骨既朋友仔可以放心去食鱼肉。至于个乌鸡汤, 劲多花胶，都算大只！个汤好入味，未开始打边炉就已经饮哂啲汤咁济XD！只乌鸡比较细但啲肉都几滑！唔错！配料方面，个人认为牛肉好出色，一间好食既火锅牛好唔好食真系会影向下次会唔会再黎食，而佢呢个牛最正既就系做到脂肪比例分布得好好，食落有牛肉，好正！其他配菜就同坊间差不多，另外祁叫左蛏子同蚬，都好新鲜，如果唔系点对得住"海鲜"火锅呢个朵啊！