祥仔辣辣 (海運大廈) (已結業)

一开始见到餐厅名叫祥仔辣辣好搞笑,后尾先知道原来系名厨Ricky开嘅。近期唔知点解好钟意食酸菜鱼,所以一坐低我就首先决定要叫佢哋嘅招牌酸菜鱼,佢哋选用咗鲈鱼,鱼肉非常之嫩滑,加上去左骨,啖啖肉食落又方便。佢哋嘅汤底用咗鸡骨同猪骨之制,酸菜带有微爽嘅口感,配菜仲有芽菜,莲藕同莴莴。呢个酸菜鱼令我相当满意,特别系呢个天气,酸辣令我更有胃口。同老公各嗌咗个lunch set,我就拣咗麻婆豆腐石锅饭,麻婆豆腐香香辣辣送饭一流,石锅热辣辣上枱,令到蛋炒饭可以keep住保温。略嫌麻婆豆腐唔够嫩滑,不过整体调味唔错。老公就拣咗去骨海南鸡饭,油饭本身已带有咸香,海南鸡去晒骨食落啖啖肉超方便,略嫌鸡肉有少少柴,唔够嫩滑。