泰芒了 (已結業)

今日同朋友经过太子，见到好多人大排长龙，原来系排住队买杯超大杯芒果饮品。杯饮品望落真系好吸引，于是我地亦都加入排埋一份，点知店内人手严重不足，一排就排左一个小时(而家谂返都觉得我地真系傻左-"-).终于买到杯饮品，真系超大杯，超码两个人先饮得完。立即饮返一啖先，点知系冇想像中好。三十几度饮一杯唔冻的果汁，而且味道偏淡又冇芒果的香味，可能系主打"健康"冇外加糖挂，我心谂。果汁上面有一层白色的物质，我仲以为系椰汁/浆，点知系厚厚的一层奶油。奶油真系好鬼腻，而且之后仲同果汁溶埋一齐，真系几核突，味道又唔夹。唯一好嘅系奶油上面有沙冰同几旧大芒果肉。沙冰唔会太粗粒，而芒果肉大大旧啖啖肉，系就系甜嘅但就冇咩芒果香味啰。