利強記北角雞蛋仔

营业中

休息中

我之前食过另一间，外脆内软，但我唔会讲边间，废事卖广告。呢间既鸡蛋仔我唔会话唔好食，但无传闻中讲到咁好食。首先佢个皮系脆既，但入面唔够软，做唔到外脆内软既口感。会变左好似食紧饼干。我个人偏好外脆内软，可能口味唔太一样。不过呢个铺好犀利，虽然系一条小窄巷度开铺，连行都唔够位既时候都仲有唔小人排队，名气就真系十足十，就算未听过佢个名都会俾条队吸引到。另外佢呢排隔离开左间饮品铺，唔知佢地系合作定根本同一个老板喇，佢地就出左个优惠可以平买野饮，我买左杯蜜桃乌龙茶，都唔错既，唔洗净食鸡蛋仔咁干。但我应该唔会再食多次呢间了。