欽記粉麵

营业中

休息中

钦记 ： 大埔其中一间名物，如果你问我鱼蛋边度最好食，我会化身老友记答你「以前嘅香港仔谢记山窿鱼蛋」仲记得以前我成日外卖𠮶啲鱼蛋返屋企打边炉，事头婆带住一只Kinder出奇蛋外形大钻石用个饭碗攞俾你，闪到好似去咗刚果一样、眼睛都擘唔大，钦记可谓当今最接近谢记鱼蛋水准，即系好似Kobe 去当今最接近MJ 嘅球员. 除咗鱼蛋之外，佢嘅河粉软硬适中，食到软滑，又唔会太淋，有沙河粉感觉，加上自制辣椒油 及必点厚皮鱼皮，好味😋佢都有好多潜规则，有时候鱼蛋唔够唔俾你净食，鱼皮不能全部要「厚」，也要你食「薄」，最重要嘅系佢唔俾你外卖。破解方法「隔离茶记用一蚊买胶兜，或者自己带暖壶咁佢就知道你系熟客，可能佢会就范，希望帮到一啲想买返屋企打边炉或者孝敬长辈嘅朋友仔