Brilliant Cooking (已結業)

有日因要帮屋企人去新都会广场买野，买完之后冇咩节目，所以周围行下，开始见肚饿，谂住穿过葵涌广场揾下野食，我上OpenRice search 附近西餐(因本人好钟意食西餐),search到一间叫Brilliant Cooking,离葵涌广场好近，只需一落天桥就到，我入到铺入面，地方都算大，而且坐得好舒适，果时大概差唔多12点，已坐左半场，侍应拎餐牌比我睇，我见到有款我钟意食嘅邪恶野，吉列猪扒，佢标明「即叫即炸」，可选择配白饭，薯条同沙律菜，另+$10有汤及餐饮，当个侍应端上个主菜黎，我「哗」左一声，块吉列猪扒总大过只碟，一切落去，有肉汁流出黎同埋脆卜卜嘅声，一d都冇干柴柴嘅感觉，可想言之真系即叫即炸，如果唔系唔会有肉汁流出来，吉列猪扒够晒味，基本上都唔使点个黑椒汁，呢间餐厅性价高，Lunch唔算贵，值得推荐