影片
更多
2017-07-24
94 浏览
旺角做野做晏左，4点几先食揾野食，唔想食得肥腻，又唔想乏味，谂嚟谂去最终拣左去染布房街嘅老点食点心，既可以坐得舒服，点心份量唔会太大，可以贪心啲食多几样，最重要系唔会太肥太浓味，夏天食啱哂。室内装修倾向新派，系年轻人受落嘅潮潮哋，又毫不拘紧嘅格局。今次系第一次食老点，睇睇餐牌，虽然名叫老点，但卖嘅点心卖相，选料制作都有一股潮味，毫无老态。在价格方面，老点亦冇老点食客，作价由HK$10余到HK$30余不等，算系亲民贴地。点左三样点心，除左灌汤饺喺其他酒楼食过，我怀疑清酒云吞鸡同响铃肠粉都系佢地嘅原创食物，小弟从未喺其他点心专门店同茶楼见或者食过，喺餐牌上面有好多我喺外面食肆见都未见过嘅点心。腐皮制响铃肠用嫩滑肠粉包住炸物好似春卷同埋米浆春卷嘅点心，已经并唔系新菜式，但包住腐皮制嘅响铃肠就系小弟睇中嘅创意，口感有粉皮嘅幼滑、响铃嘅松脆同猪肉饀嘅弹牙，三样沟埋一齐口感丰富到不得了！觉得比用春卷做饀口感更好，因为春卷皮毕竟有啲硬，有啲哽牙，脆但就唔松化。灌汤饺饺上有好超多素翅，先试汤，唔错鲜而不太咸，然后再爬开只饺，里面差唔多全部系海鲜，有好多虾，又有小元贝，加埋竹笙同小量猪肉，饀料丰富鲜味，
室内装修倾向新派，系年轻人受落嘅潮潮哋，又毫不拘紧嘅格局。
今次系第一次食老点，睇睇餐牌，虽然名叫老点，但卖嘅点心卖相，选料制作都有一股潮味，毫无老态。
在价格方面，老点亦冇老点食客，作价由HK$10余到HK$30余不等，算系亲民贴地。
点左三样点心，除左灌汤饺喺其他酒楼食过，我怀疑清酒云吞鸡同响铃肠粉都系佢地嘅原创食物，小弟从未喺其他点心专门店同茶楼见或者食过，喺餐牌上面有好多我喺外面食肆见都未见过嘅点心。
腐皮制响铃肠
用嫩滑肠粉包住炸物好似春卷同埋米浆春卷嘅点心，已经并唔系新菜式，但包住腐皮制嘅响铃肠就系小弟睇中嘅创意，口感有粉皮嘅幼滑、响铃嘅松脆同猪肉饀嘅弹牙，三样沟埋一齐口感丰富到不得了！觉得比用春卷做饀口感更好，因为春卷皮毕竟有啲硬，有啲哽牙，脆但就唔松化。
灌汤饺
饺上有好超多素翅，先试汤，唔错鲜而不太咸，然后再爬开只饺，里面差唔多全部系海鲜，有好多虾，又有小元贝，加埋竹笙同小量猪肉，饀料丰富鲜味，已前老式酒楼造嘅灌汤饺会好多肥肉，有时会加入鸡膶，啲饀食落会好腻，但呢度做嘅就完全冇呢个问题。
清酒云吞鸡
汤头好甜，但就冇乜清酒味，反而有一点点嘅玫瑰露味道，肯定加左些少玫瑰露酒落去。云吞好完整，皮无烂，有虾有肉系广东云吞，而鸡件有腌过入味，整体味道同喺上海铺头食嘅好唔同。
食完饱哂，买单HK$100，三款点心都甚有特色，冇老点，亦毫不老饼，名叫老点，但点心设计新派。
张贴
