勝博殿日式炸豬排 (已結業)

去尖咀睇完戏揾野食，遇著有啲落雨唔想走咁远就试试胜博殿，好彩唔驶等位，门口小姐话要10 点交台，当时都系8 点零都觉得无问题。 当我地仲研究紧个餐牌个时门口小姐已经冲埋黎问落得单未。 系佢既凌厉眼神下叫左个季节二人餐，有特级炸猪扒，炸蚝2件，炸海老2件同一个蟹肉忌廉薯饼。 饭，椰菜同味噌汤系可以无限追加既。 点完菜我请佢地留底一本menu 睇下会唔会叫啲小食咁，点知转个头又有人黎问我地想收返个menu, 我话睇紧就打发左佢啦，点知再隔多一阵又有人要收我本menu, 既然你咁唔想我加单，我惟有俾返你啦。 转个头椰菜就上黎，侍应哥哥会介绍一下啲酱汁同配料既配搭。 用黎衬椰菜食既有日式胡麻酱同柚子醋。 我无试胡麻酱，但同行男人话乜味都无、平是见到胡麻酱就心心眼既佢都转黎同我一齐食柚子醋。 啲野食未黎到我地已经瞬间KO左一兜椰菜，侍应哥哥主动问我地要唔要添，当然话好。 好快味噌汤，饭，渍物同主菜就黎到。 汤唔会太咸，昆布份量都算多。时间许可既话其实我会追加。 饭亦都好烟韧，以我平时晚黑唔食白米都食左半碗，唔错唔错。炸物黎喇，碟上有柠檬，岩盐同沙律师俾你点唔同既炸物。讲返炸物质素，特级猪扒，好！