影片
更多
2024-08-23
1956 浏览
*睇到最后！* 夜晚谂住同朋友聚一聚食个饭，睇到某foodie介绍好似几吸引咁，就book枱试下啦。 点知我啱啱先上到2楼，门口未入，openrice就通知我「已确认出席」，我都呆一呆，但照行入餐厅。 一行到入餐厅，我出示openrice booking告知订座，两位店员就呆一呆，隔咗一阵先带我入座，可能系唔expect 8点半有客吧🤔但我又的确系喺openrice订到枱。 嚟之前都确认过9点 last order，我朋友有事要迟少少到，本身想等埋一齐嗌，殊不知我一入座，店员已经提醒差唔多到last order，要尽早落单，我都表示理解明白，即刻睇menu。 嗌咗两个套餐，因为有最低消费一人一杯饮品，所以都嗌咗饮品。 系水牛芝士正常应有水平，不过不失。我同朋友都唔太理解三块面包嘅存在，系脆嘅，我沾面汁食还可以，但同行朋友就觉得有阵油膉味。 至于意粉嘅明太子味就老实讲，唔系太突出，我同同行朋友都唔系太食得出个味，唔至于难食，但同好食就挂唔上边。十分失望！个封门柳完全唔系想像中/睇foodie嘅咁靓同好食！都系未至于难食但完全唔系好食🥲同行朋友第一啖已经觉得咸，但配埋饭就还好。 个炊饭食落
夜晚谂住同朋友聚一聚食个饭，睇到某foodie介绍好似几吸引咁，就book枱试下啦。
点知我啱啱先上到2楼，门口未入，openrice就通知我「已确认出席」，我都呆一呆，但照行入餐厅。
一行到入餐厅，我出示openrice booking告知订座，两位店员就呆一呆，隔咗一阵先带我入座，可能系唔expect 8点半有客吧🤔但我又的确系喺openrice订到枱。
嚟之前都确认过9点 last order，我朋友有事要迟少少到，本身想等埋一齐嗌，殊不知我一入座，店员已经提醒差唔多到last order，要尽早落单，我都表示理解明白，即刻睇menu。
嗌咗两个套餐，因为有最低消费一人一杯饮品，所以都嗌咗饮品。
流心水牛芝士（套餐前菜）+$78
59 浏览
0 赞好
0 留言
系水牛芝士正常应有水平，不过不失。
明太子忌廉意大利面（套餐主食）+$138
85 浏览
0 赞好
0 留言
我同朋友都唔太理解三块面包嘅存在，系脆嘅，我沾面汁食还可以，但同行朋友就觉得有阵油膉味。
至于意粉嘅明太子味就老实讲，唔系太突出，我同同行朋友都唔系太食得出个味，唔至于难食，但同好食就挂唔上边。
鲣鱼熟成封门柳，香煎鹅肝，糖心蛋配黑松露炊饭（套餐主食） +$238
117 浏览
1 赞好
0 留言
十分失望！个封门柳完全唔系想像中/睇foodie嘅咁靓同好食！都系未至于难食但完全唔系好食🥲同行朋友第一啖已经觉得咸，但配埋饭就还好。
个炊饭食落唔似炊饭，似系炒饭同炊饭中间嘅混合体咁，都系未至于难食，但绝对称唔上好食。
（小插曲：其实几好笑，落单嘅时候我见第一项系封门柳，第二项就系我嗌嘅呢个。咁我就唔肯定两个嘅肉量系唔系一样，我就问店员呢两个份量有冇分别，店员答我：两个唔同㗎！一个有鹅肝一个冇，我呆咗，店员继续：喔！同埋一个有个饭一个冇，我：…好，心谂…你当我盲…？最后都问到份量系一样嘅）
法式多士 配云呢拿Gelato （套餐甜品）+$68
61 浏览
0 赞好
0 留言
都系好失望！都系𠮶句难食称唔上，但好食就冇佢份了。我同同行朋友都唔系太形容得出呢个味道，但的确系失望嘅。
唔知关唔关事，但当时我系order叫上，但封门柳啱啱上枱冇耐（21:01）我谂隔几分钟？店员就埋嚟通知厨房要收，所以要上埋个甜品先（21:11上），但餐厅系22:00闩舖，但当时我哋都唯有表示理解，唔肯定系唔系摆多咗一阵令风味欠佳喇。
开心果奶昔（套餐饮品）+$48
56 浏览
1 赞好
0 留言
好饮！颇香颇浓开心果味。
黑芝麻奶昔（单点）$68
65 浏览
0 赞好
0 留言
好饮！颇香颇浓黑芝麻味，同朋友都感到惊喜。但价钱值唔值得就大家自己判断了，不过餐厅低消一人一杯饮品。
西村宇治抹茶鲜奶（套餐饮品）+$28
60 浏览
0 赞好
0 留言
我冇饮到，但朋友觉得都几好饮，我喺杯尾试咗少少，虽然有溶冰，但饮得出应该系几浓抹茶味。
最后，啱啱提到餐厅22:00闩舖啦，但店员喺21:36就已经催促我哋离开…令成个体验感觉更差。我仲见到有位店员喺其他客人嘅隔离枱感觉系刻意地大声收拾餐具（𠮶枱客人仲食紧野）…其实都几冇礼貌。
整体而言，我就觉得唔值得比呢个价钱再去食多一次😞食物质素大差预期，店员服务态度亦唔系太好，食到好赶头赶命咁。如果想早啲收舖，不如唔好比人book到8点半…希望可以比到个实际参考比想去嘅人之余，亦可以比返意见餐厅🙏🏻
张贴
