Fari-Beurre (已結業)

得知康怡Aeon翻新完毕，当然要留意下有咩新野食啦！见到唔少报章都有报导呢间系东京人气爆灯既Fari-beurre，咁就拿拿临去试下，顺便一解我对日本蛋糕既相思之苦。一去到已经觉得蛋糕既款式咁似Italian Tomato既？！但都唔谂咁多啦，快快手拣左Fari-beurre出名既香橙吉士挞($38)同抹茶朱古力蛋糕($32)。点知一睇到个盒就出事啦...点解系Italian Tomato既？我同男朋友带住满脑问号去食呢两件蛋糕。抹茶朱古力蛋糕($32)味道系exactly Italian Tomato只味。抹茶味淡，红豆甜度适中，忌廉同蛋糕既配合不过不失，整体味道普通，口感一般。香橙吉士挞($38)虽然抹茶朱古力蛋糕就令我失望，不过我都系著眼于Fari-beurre驰名既水果挞身上。果挞上既香橙份量足够，只可惜竟然带有微苦。挞皮不过不失，但挞入面唔多觉有吉士。同男朋友食完都觉得略为失望。一经搜寻，先知道原来Fari-beurre系Italian Tomato既副线。真相大白，只怪自己唔做好资料搜集就去食。铺名不同但其实系卖Italian Tomato既味道，试一次就够了。