蔡瀾越南粉 (已結業)

中环夜食，一般回去翠华。翠华旁边开左间越南粉，朋友间对餐厅负评唔少，不过自己觉得蔡澜肯出自己个名开餐厅应该唔会差得去边挂⋯⋯当晚同友人一人一碗越南粉，再share个越南包。点越南包既唯一原因系贪平。出面大部分卖越南包既餐厅都买都卖到$70-90一份，蔡澜卖$28，都试下啦，果然系$28货色。小小法包加肉一片加甜酱我对自己点既生牛肉牛筋河评语系用料吝啬。生牛肉两三小片，牛筋系一粒粒上，好奇怪。牛河份量对女生来讲刚刚好。唯一碗汤落得最多。汤底好甜好甜，甜到有d唔自然，好似落左糖咁，有别一般牛骨汤既清甜。虽然个人觉得食物质素一般，当晚餐厅都客满，不过我就未必会返转头喇。