星嵐

营业中

休息中

本身见IG同OpenRice都有好多推介同正评，于是就喺8月尾去试佢个招牌黄金猪扒丼。佢个食法几特别，系原只pan咁上上嚟，然之后再倒落去饭𠮶度。但除咗个食法之外，个味道就真系冇乜特别。猪扒唔脆，亦都唔香口。蛋亦都系水捞捞冇蛋香。虽则未至于难食，但个人认为唔值得咁多正评同推介。我相信同价钱可以有更加好嘅吉列猪扒丼去选择。服务方面，水系要自己斟，纸巾亦都唔系放喺当眼位，要问到先会俾。两个员工企喺度冇嘢做不停吹水。唯一要赞嘅，系餐厅有好多玩具，可以比家庭客嘅小朋友去玩。