裕記大飯店

营业中

休息中

咁啱长辈返黎香港，想话食烧鹅，咪同佢地去以前食开嘅裕记。揸车去，话有车场去到原来泊车档黎要留匙，都唔系问题喇。去到门口攞位，book咗7:30，点知一早订咗位都仲要企系门口等，等咗成半粒钟先有得入去坐。一坐低餐牌都未睇完，班伙记就埋黎催落单，叫佢等阵先，唔够2分钟又埋黎催落单，仲系咁hardsell啲海鲜。老人家话啲烧鹅同以前比质素差咗好多，好多㶶咗嘅位，啲份量又细咗。啲小菜就还好嘅，叫做有啲镬气。食完老人家话好失望，估唔到老字号都可以做到越黎越差。食完去车场攞车，出奇地班泊车仔反而好好礼貌，又有笑容又多谢前多谢后，同入面班伙记比好九条街。