雞駅花膠雞米線專門店

营业中

休息中

我同朋友下午四时上去，成功避开人流，加上落雨都唔会太多客，店舖以QR code下单所以都冇太多人为错误，职员态度又未去到恶劣，收拾时亦有微笑回应，环境又大致干净，唔会黐立立同太多污迹。讲返个汤，我叫左佢哋招牌花胶鸡汤米线，但转左白饭，我食法系将个饭倒落去变汤饭，不过个汤偏咸，唔知系唔系因为晏去煲耐左。佢个鸡汤风格偏津白，有啲似史云生再加少少猪骨汤，饮完会有啲颈渴，需要灌水。🥲佢啲花胶淋到好似蒟蒻，不过唔腥都值得加分。佢啲鸡系以切鸡的方式呈现，佢d切鸡唔会有啫喱又唔会太肥，可能系清远鸡，可惜啲鸡嘅雪味未去得清，佢又冇用大量腌料提鲜，最后只食到一块鸡皮嫩而肉鞋飒飒的鸡肉，我冇加到$10转鸡髀肉，不过佢都俾鸡翼同埋鸡胸位置等无骨位置，都值得欣赏。最后个汤嘅配料，系利干虫草花所以唔会有太多水份，而小木耳都爽身，可惜两者份量都太少。