祺森冰室

营业中

休息中

早前放假，闷闷地决定搭船去离岛探索下，顺便试地道小食。去之前已经系网上做定功课，知道好多人都会嚟呢间冰室食虾多士，当日午餐就决定系到食。餐厅座位唔算好多且较逼狭，通道都偏狭窄，食完正常就会想走。-虾多士(4件)  $39一碟4小件嘅虾多士，贵其实唔系问题，但如果贵而性价比唔高就会令人失望。多士底部特别硬身，感觉似隔夜再翻炸，但又炸过火的口感。整体口感唔算好酥香，虾肉亦唔算多。虾多士味道只属普通，个人认为只系噱头之作。-火腿鲜茄奄列 $35奄列可自选唔同配料，今次拣咗火腿同鲜茄。鸡蛋唔算特别嫩滑，配搭鲜茄几有蕃茄炒蛋风味。-鲜茄肉碎通粉 $39通粉都系普普通通，鲜茄汤底尚算可以。-Tiramisu 红豆冰加钱转咗Tiramisu 红豆冰，呢杯饮品反而有啲惊喜。饮到少许咖啡香，Tiramisu同红豆冰味道又几夹。