祺森冰室

营业中

休息中

呢日黎到坪洲咁远，目标系试名物虾多士。周末去，船上游客都几多，拣正食饭时间到，去到餐厅门口都好多人，排队要转入民居巷仔。正午时分，烈日当空、担遮都出哂汗，但唔紧要，我地鼓励自己，越辛苦得返黎嘅食物越好味！终于等到入座，有冷气凉！由于人多要搭台，但佢要求两个人要对住坐，唔可以平排入座，变咗出入要另一个客特登企出黎让位，有啲唔好意思。我地嗌一份虾多士同XO酱猪扒炒乌冬。但成件事好失望我同同行友人都期望虾多士做法系面包夹手打虾胶，食落弹牙。可惜呢度嘅虾多士望落胀卜卜，系即炸、系够热够脆，但入面全部都系沙律酱，馅料里面虾既比例好少、得一两粒超细粒⋯再配沙律酱黎点⋯与其话系虾多士，叫炸沙律酱多士会贴切啲⋯由于最期待的食物同预期反差太大，所以好庆幸只系嗌两样嘢食。XO酱猪扒炒乌冬都一般，无特别。快趣食完埋单走人，离开座位麻烦多次搭台客人让位俾我地出去。