影片
更多
2024-12-13
733 浏览
听讲呢间嘢好出名，排晒长龙，所以lunch time 同同事嚟试下。12:30排到12:52，终于到我地入座啦。由于lunch time只有一小时，我地坐低用咗1分钟就落完单啦，之后就开始漫长嘅等上餐之旅。一直等等等，直至13:20我地见到迟过我地入嘅客人都上咗餐，我就问侍应我地张枱仲要几耐，lunch time只剩10分钟。我话：你最起码都上住杯朱古力俾我饮啦！佢望咗一望，话我冇落单，所以佢地冇出朱古力俾我。然后我show咗QR code页面俾佢，显示我地一早已落单，佢冇出声，然后走咗去攞杯朱古力过嚟。呢个时候，我再问佢系咪甩咗单？系咪嘢食同朱古力都甩咗单？佢答我唔系，只系客人多整唔切，好快有得食。再等到13:26，我地同佢讲，我地lunchtime完啦，请问仲要几耐？佢好恶咁话：你地冇落单㖞你地要送出订单🤬🤬🤬我驳佢，我地排队等咗22分钟，入嚟落单等咗你33分钟，而家你话我冇落单。佢又改口风话而家即刻整返俾我地，当然我地系拒绝啦，最后浪费咗1小时，食咗成肚火，惨到赶时间要咬面包😭呢间嘢无论有几好食，都冇下次！甩单都算，我提醒你甩咗嘢饮嘅时候你应该要察觉到自己甩埋嘢食啦，仲要死撑！到
由于lunch time只有一小时，我地坐低用咗1分钟就落完单啦，之后就开始漫长嘅等上餐之旅。一直等等等，直至13:20我地见到迟过我地入嘅客人都上咗餐，我就问侍应我地张枱仲要几耐，lunch time只剩10分钟。我话：你最起码都上住杯朱古力俾我饮啦！
佢望咗一望，话我冇落单，所以佢地冇出朱古力俾我。然后我show咗QR code页面俾佢，显示我地一早已落单，佢冇出声，然后走咗去攞杯朱古力过嚟。
呢个时候，我再问佢系咪甩咗单？系咪嘢食同朱古力都甩咗单？佢答我唔系，只系客人多整唔切，好快有得食。
再等到13:26，我地同佢讲，我地lunchtime完啦，请问仲要几耐？佢好恶咁话：你地冇落单㖞你地要送出订单🤬🤬🤬我驳佢，我地排队等咗22分钟，入嚟落单等咗你33分钟，而家你话我冇落单。
佢又改口风话而家即刻整返俾我地，当然我地系拒绝啦，最后浪费咗1小时，食咗成肚火，惨到赶时间要咬面包😭
呢间嘢无论有几好食，都冇下次！甩单都算，我提醒你甩咗嘢饮嘅时候你应该要察觉到自己甩埋嘢食啦，仲要死撑！到最后都仲系觉得自己冇错，话客人冇落单。
张贴