影片
更多
2013-12-17
4705 浏览
因为太懒缘故,一段劲长时间冇写食评,因为呢间野,我忍唔住再次执笔表达下感受。。。。一路以黎都好挣扎试唔试呢间野,因为啲评语都几极端,一系捧到天上有,一系踩到地下冇咁,但由于临时决定提前做冬,谂都唔想谂就唯有拣返区内食肆。。。我地点左:炸鲜奶 - 满心期待呢个菜式,但系粉浆厚之余,个底铺满油,而且个心又唔惊喜,如果呢个唔系佢招牌菜,或者唔会咁失望,只可以讲以炸物闻名的话,唔应该有呢个效果出现。。。香酥鸭 - 又一招牌菜,比炸鲜奶好少少,但绝唔会系以前细个睇既伙头仔昆布咁,食完晓飞天兼大嗌:好好味呀~果种感觉啰烧乳鸽 - 收成90蚊只。。。啲人话真系极度好食。。。我真系谂唔明。。。呢个系最令我R头一道菜。。。佢唔系唔好食,只系坚唔明果啲话间唔中要买乳鸽返屋企做𩠌既人点解咁舍得驶呢啲钱。。。不过写到呢度之际,屋企人同我讲,出面都要呢个价钱啦~此刻完全明白了。。。原来佢唔知茶楼可以三,四十蚊成交。。。。虾子柚皮 - 因为老一辈想回味而叫的菜式,后生的2个食左,1个话几特别,1个话应该叫呃钱柚皮先岩,结果余下不多,只好留返俾长辈品尝,只系见佢地食完咩都冇讲。。。煎封酿豆腐,咸鱼鸡粒炒饭 - 都系
一路以黎都好挣扎试唔试呢间野,因为啲评语都几极端,一系捧到天上有,一系踩到地下冇咁,但由于临时决定提前做冬,谂都唔想谂就唯有拣返区内食肆。。。
我地点左:
炸鲜奶 - 满心期待呢个菜式,但系粉浆厚之余,个底铺满油,而且个心又唔惊喜,如果呢个唔系佢招牌菜,或者唔会咁失望,只可以讲以炸物闻名的话,唔应该有呢个效果出现。。。
香酥鸭 - 又一招牌菜,比炸鲜奶好少少,但绝唔会系以前细个睇既伙头仔昆布咁,食完晓飞天兼大嗌:好好味呀~果种感觉啰
烧乳鸽 - 收成90蚊只。。。啲人话真系极度好食。。。我真系谂唔明。。。呢个系最令我R头一道菜。。。佢唔系唔好食,只系坚唔明果啲话间唔中要买乳鸽返屋企做𩠌既人点解咁舍得驶呢啲钱。。。不过写到呢度之际,屋企人同我讲,出面都要呢个价钱啦~此刻完全明白了。。。原来佢唔知茶楼可以三,四十蚊成交。。。。
虾子柚皮 - 因为老一辈想回味而叫的菜式,后生的2个食左,1个话几特别,1个话应该叫呃钱柚皮先岩,结果余下不多,只好留返俾长辈品尝,只系见佢地食完咩都冇讲。。。
煎封酿豆腐,咸鱼鸡粒炒饭 - 都系出面唔驶用呢个价钱但又可以食到同样水准既菜式
大马站煲 - 黎到呢道菜已经冇掂过,其实都系冬菇，烧腩肉,煎封豆腐咁炆成的1个煲,已经冇惊喜令我想有亲近佢冲动。。。。
核桃露(送的) - 呢个反而系失望过后的惊喜,状似呕吐物既佢，虽然外表唔吸引,但味道几真实,连平时对糖水甜品只系俾面派对呷一口的老爸都食晒成碗
总结就系成餐饭我不断谂点解呢间会系星级饭店??究竟系咪呢间野有几个级数唔同大厨主理??点解大家啲食评差咁远??问心讲,我唔系奄尖食家,而且绝对舍得俾钱食贵野既人,但点解咁言过其实。。。
不过反而想为佢地平反下,唔知系啲员工有再培训,定之前啲人过度夸张,其实佢地冇所讲咁态度差劣,间唔中都有听到佢地唔该前唔该后,走又叫我地拎齐野咁,比起佐敦好多明星帮衬果间星级馆,呢度好好多~
张贴