潮味苑

营业中

休息中

好来都冇写食评，食完之后即时有写呢一篇嘅冲动⋯之前想打电话嚟订位，阿姐话不设订位，好啦坐完地铁再转的士来食，睇吓系咪真系咁坚…入到去，茶餐厅格无加一，当然亦都冇招呼。坐咗卡位冷气机滴水，唔紧要始终来食嘢，咁就点餐啦。椒盐九肚鱼脆口嘅，但系冇乜味。双枣比较出色，值得食嘅。卤水鹅同鹅肠都OK新鲜，但系卤水味好淡，非常一般。鹅血韭菜又系好似白灼咁，冇乜味。最经典呢碟啦-大鹅肝，收$180，谂住好有惊喜，点知份量少不特止，又干又老衰过食猪润，系我食过鹅肝入边最差最差嘅一间，没有之一。我怀疑佢根本系买晒，攞啲细鹅肝嚟充数。总括嚟讲，你食快餐粉面冇问题，我叫𩠌食饭就免啦，唔会有下次！