座銀

营业中

休息中

上次食上环店，今次食跑马地店，两次都系因著唔同朋友慕名而来。向来都好钟意食和食既我，食完两次结论系觉得碗拉面名过其实。朋友叫鸡白汤拉面，我上次都有叫，唔知系咪上环店太多人等位，d肉解冻唔切，上环店食鸡肉中间系冰既，朋友今次跑马地店正常，佢觉得整体味道都唔错。我今次叫海鲜鸡拉面，d肉终于正常温度，不过汤底好好好咸，好彩可以狂添茶。跑马地店环境系几舒服，可能冇乜人。服务方面跑马地店明显优胜，叫安排座位、落单、上菜、加茶、埋单都随传随到，女士洗手间更体贴女士需要配备周全。可惜餐厅重点系食物，食物未算出众，cwb拉面街随意一间都有得fight。上次满怀期待又加蛋又加鸡块，都系正常味道，不过不失。