影片
更多
2024-11-23
5256 浏览
一直都想试依间米芝莲推介餐厅，但食完可以肯定无下次。 食物同服务质素都唔掂。 先讲食物：琵琶鹅-预订菜式时其实想试八宝鸭，但见openrice 人人都推介琵琶鹅，所以决定食鹅。我真系唔觉佢有好食过烧味舖嘅烧鹅，除咗无咁油。 唔知八宝鸭会唔会唔伏，但已经唔会系依间试。第一叉 - 叉烧系好食，肉质好，因为佢系用到最靓个旧一号背肌肉，但整体性价比低。 其实要讲味道，有其他自家烧叉烧嘅小菜馆同样好味，只是人地唔系用上最靓个条肉。瑶柱蛋白炒饭- 菜心系苦的，个饭系无味的。豆办酱鹅肠-土瓜湾某普通小菜馆嘅鹅肠都好食过佢蒜香九肚鱼- 家母表示土瓜湾某普通小菜馆嘅椒盐九肚鱼都好食过佢冰梅咸柠骨-依个系好食的，但觉得甜酸咸味还可以再平衡啲姜米蒜香笼仔蒸蟹饭 - 只蟹完全唔新鲜，d肉散散地。个蟹盖系黑色，一滴肉一滴膏都无 （唔记得影返张相）咸香三鲜牛骨髓煲 - 依个可以，因为牛骨髓本身系无味，一定系要用浓d嘅味去整。你当系鱼香茄子味嘅牛骨髓煲。白果腐竹糖水- 我食咗三粒白果都系苦，其他人都食到系苦，连白果点处理都唔识真系好唔掂服务方面，其实你个定位系稍为高级嘅小菜馆，唔系普通茶记，就应该要有相应嘅服务。我
琵琶鹅-预订菜式时其实想试八宝鸭，但见openrice 人人都推介琵琶鹅，所以决定食鹅。我真系唔觉佢有好食过烧味舖嘅烧鹅，除咗无咁油。 唔知八宝鸭会唔会唔伏，但已经唔会系依间试。
第一叉 - 叉烧系好食，肉质好，因为佢系用到最靓个旧一号背肌肉，但整体性价比低。 其实要讲味道，有其他自家烧叉烧嘅小菜馆同样好味，只是人地唔系用上最靓个条肉。
瑶柱蛋白炒饭- 菜心系苦的，个饭系无味的。
豆办酱鹅肠-土瓜湾某普通小菜馆嘅鹅肠都好食过佢
蒜香九肚鱼- 家母表示土瓜湾某普通小菜馆嘅椒盐九肚鱼都好食过佢
冰梅咸柠骨-依个系好食的，但觉得甜酸咸味还可以再平衡啲
姜米蒜香笼仔蒸蟹饭 - 只蟹完全唔新鲜，d肉散散地。个蟹盖系黑色，一滴肉一滴膏都无 （唔记得影返张相）
咸香三鲜牛骨髓煲 - 依个可以，因为牛骨髓本身系无味，一定系要用浓d嘅味去整。你当系鱼香茄子味嘅牛骨髓煲。
白果腐竹糖水- 我食咗三粒白果都系苦，其他人都食到系苦，连白果点处理都唔识真系好唔掂
服务方面，其实你个定位系稍为高级嘅小菜馆，唔系普通茶记，就应该要有相应嘅服务。我哋张枱系餐厅最入嘅「房」入面，好似俾人遗忘咁，除左上菜外，无见过有staff 主动嚟睇吓我哋有冇咩需要。 我哋嘅水壶茶壶无水几转，要落单，要揾人清理只从天而降嘅飞蛾，要催只斩左三个字都未斩到出嚟嘅鹅，要帮手影合照，我哋每次都系等左起码五分钟都无人入嚟，跟住亲自出去叫人入嚟。我唔知系佢人手安排有问题定点啦，正常系应该有特定staff负责招呼边几张枱咁，但佢哋系每次上菜都可以唔同staff, 感觉上就无安排边个staff边张枱，所以房入面的枱都被遗忘。 仲有除咗见到有两个阿姐叫做有笑容，其他staff 都无乜礼貌，尤其有个四眼后生仔，唔想做咁款，黑我哋面。 到我地离开沿路行出门口，途经好几个staff都无人讲bye bye, 得门口个位有讲。
总括而言，我就唔明点解间野会咁出名，可能大家都系为咗米芝莲推介而嚟，但我就唔会再有下一次。
132 浏览
0 赞好
0 留言
张贴
