百利冰室

营业中

休息中

每个旧区都总会有一两间老牌冰室或者茶餐厅系个个老街坊都识，而区外人都会听过佢名什至慕名以来帮衬，百利冰室就系其中一间喇，所以区内番工既我地，不时都会黎食lunch。环境：门面既装潢保留左几十年留落黎既招牌同面包架，但入面就系新装修过既面貌，可惜既系地方比较迫。服务：lunch时间非常多人，侍应姐姐唯有极速落单上餐同收餐，但见到熟客时佢地都不忘寒暄两句，呢d就系老店既特色喇。卫生：虽然系老店，但入面明显有重新装修过，所以地方睇落都唔会话唔干净，卫生情况还可以。味道：黎到茶餐厅叫番个碟头饭就最能感受师傅既功架，只可惜呢个西炒饭实在令人失望，西炒饭既精髓在于茄汁同饭炒埋一齐既配合度，呢个炒饭太少茄汁，令到饭炒得太干之余，亦食唔到有乜蕃茄味。食到一半就停左手喇。抵食：西炒饭连热饮$53，份量系好多，但质素黎讲唔多值。