雲桂香米線專門店

营业中

休息中

一直谂唔明点解云桂香做到咁出名，平时食饭时间仲有位剩，趁机食个快饭，一探究竟。餐牌汤底有好多款选择，我就拣最大路的小锅米线，麻辣最少辣个种辣度。配菜方面，我选猪颈肉、鸡丝，算系大路食材，我谂整得衰都唔会差。冻奶茶：同其他铺头一样属于偏甜，感觉好似饮糖水咁，我谂下次拣返做少甜会好啲。麻辣汤底：唔知点解食落口会酸味重过麻或者辣，话辣又唔算辣，我以为自己叫错酸辣。鸡丝：同其他铺头差别在于，云桂香既鸡丝真系鸡丝，咬落冇乜咬口，好似阿婆冇牙都妹到既鸡丝。猪颈肉：我期望佢会用炭烧或者其他类似于串烧既形式炮制，愿望落空，算系有啲咬口，但味道一般。