雲桂香米線專門店

营业中

休息中

放工唔想煮飯，外賣左雲桂香米線專門店既米線。屋企人食牛肉，冬菇，蘿蔔涼拌。屋企人好喜歡佢地既牛肉，好乾身，有咬感，又夠惹味，好似牛肉乾咁。食埋佢既多汁白蘿蔔，咁就唔會咁乾，可以濕下口。冬菇亦都唔錯。配菜有好多花生，酸菜，配麻辣伴麵，係屋企人既至愛。我揀左腩肉清湯米線。今次腩肉比較硬身，我自己無咁鐘意，份量亦比較少，而且今次既肉比之前既細塊，希望今次先至係咁，整個麵酸酸辣辣，亦有不少芽菜和韮菜，都可以。

每次嚟親都必定叫既重慶酸辣粉，好味之餘，價錢又親民🥰最鍾意加紫菜，索哂啲湯，超正超入味🤤紅薯粉彈牙又足料🍜朋友就叫咗小鍋酸辣米線，加埋秘製豬頸肉🐷肉質嫩滑又有肉汁👍🏼必點炸春卷 超脆

Super bad service, bad attitude, yelling all the time, through the money back to me. 態度超級差，嘢又唔係好食，找錢嘅時候又掉俾我！真係不知所謂！咁多間餐廳，真係唔會食佢囉！

酸辣米線嘅好食之處，就係佢嘅肉碎，酸同埋麻辣嘅味道😍😍😍雲桂香亦都係我最愛嘅酸辣米線舖頭之一，最愛佢嘅腩肉、雞絲，加上麻辣小食，而且每一間分店都keep到差唔多水準，非常不錯。

雖然附近有幾間出名米線店，但有時仍然會心思思想食雲桂香😋😋😋覺得連鎖店黎講，真係算比較好食！👍🏻-有時就算唔食米線，都會想食佢個重慶酸辣紅薯粉😂因爲真係幾好食！而且配料好多😋薯粉好煙韌，完全唔係一夾就散嗰種！好有咬口😍次次食親都覺得好滿足👍🏻-同埋湯底都唔錯，真係有酸辣粉湯底應有既味道，唔係一昧死落醋，得個酸字嗰種🥲🙈-不過當天好不幸地坐左門口位，冇咩冷氣，見門口寫住要保持大門開啟，都唔好意思走去關左道門，然後食得有少少熱。

食米線食咗咁多年，始終覺得最好食都係雲桂香，不過雖然係連鎖店，但真係間間嘅水準都唔同，食咗咁多間分店，最好食都係太子，同埋尖沙咀厚福街分店，今次試下喺屯門叫外賣送餐包裝得好好，好實淨同埋分咗湯仲好細心，寫咗碗湯係配邊一碗麵，因為我叫兩碗嘅辣唔同第一次試下佢嘅雲貴米線以前通常都係叫小鍋米線加餸，而家一個餸要$54貴左少少，所以叫左呢個雲桂米線$77雲桂 Wan Kwai Signature Noodle Soup腩肉、雞絲、魚肉春卷、鮮竹龍蝦卷、雲耳、腐竹、冬菇、芽菜、酸菜、韮芫茜 抵食👍👍好多配料同肉碎，不過魚肉春卷、鮮竹龍蝦卷就一般，較硬小鍋米線+豬軟骨$54雖然加咗價，但係豬軟骨一定係必叫，不過今次我唔好彩啦，得兩舊好細嘅豬肉，仲要係冇骨只係好似瘦肉咁，骨已經溶哂米線外賣送餐其實都好食嘅，都夠熱，不過做屯門分店好似一般

外賣自取，發現講錯想更改，當時仲未俾錢，個呀姐話落咗單唔可以改，錢都仲未俾都唔俾人改都係第一次見！唔怪之得越嚟越少人食。以後唔會再幫襯，三哥D阿姐俾佢哋好好多！

熱拌紅薯粉+鮮竹龍蝦卷&腩肉 $36+18******************************食過好多間米線舖嘅熱拌紅薯粉始終都係雲桂香最得我心🥰影相之前已經偷食咗少少🤣熱拌紅薯粉嘅配料有微辣肉醬、花生、榨菜同鹹菜熱拌撈汁帶有酸味再加上肉醬本身嘅微辣恰到好處嘅酸辣風味令人忍唔住一啖接一啖🤤鍾意雲桂香嘅熱拌紅薯粉唔會好重口味唔會越食越鹹👍🏻齋一碗熱拌紅薯粉其實已經好好食不過為咗有飽腹感啲所以加配埋鮮竹龍蝦卷同腩肉食完好飽好滿足🥰

得一個職員入單，仲要負責埋收銀同外賣，結果堂食既單要等入晒外賣後、收完錢後，先至慢慢逐張枱入。最後一碗麵+一杯飲品，等咗25分鐘先至出到單；再5分鐘後就出到食物⋯半間舖既枱都係等入單或等食物來，催店員都唔會加快到速度，店員只會話唔夠人手。食物方面，小窩米線酸辣湯底，味道正常；酸菜、芽菜、肉碎都夠料。配菜豬軟骨夠淋，但豬膶略硬如果肚餓或趕時間，最好有心理同生理預備要等30分鐘先至有得食。否則就唔好幫襯，或者祝你好運！

一直諗唔明點解雲桂香做到咁出名，平時食飯時間仲有位剩，趁機食個快飯，一探究竟。餐牌湯底有好多款選擇，我就揀最大路的小鍋米線，麻辣最少辣個種辣度。配菜方面，我選豬頸肉、雞絲，算係大路食材，我諗整得衰都唔會差。凍奶茶：同其他鋪頭一樣屬於偏甜，感覺好似飲糖水咁，我諗下次揀返做少甜會好啲。麻辣湯底：唔知點解食落口會酸味重過麻或者辣，話辣又唔算辣，我以為自己叫錯酸辣。雞絲：同其他鋪頭差別在於，雲桂香既雞絲真係雞絲，咬落冇乜咬口，好似阿婆冇牙都妹到既雞絲。豬頸肉：我期望佢會用炭燒或者其他類似於串燒既形式炮製，願望落空，算係有啲咬口，但味道一般。

今日天氣咁熱，要開胃啲一定係去食米線㗎啦！夠酸夠辣先會開胃㗎嘛！平時都好鍾意食米線，仲係米線關注組成員🤣🤣所以雲桂已經經常食啦，不過第一次入到咁遠食！入到嚟呢個地方覺得都係非常發揮好唔錯。腩肉雞絲生菜酸辣米線腩肉雞絲都係正常嘢，不過加埋個湯底真係好惹味！腩肉蘿蔔龍蝦卷蘿蔔大大嚿！龍蝦卷之前有炸過先加落去個米線度！米線都唔會太硬或者太淋，入口都啱啱好。覺得普通過嚟食吓米線又唔係好貴！呢度都真係值得揀㗎 ！

盈豐、建生一帶一向米線鋪林立，有部份開宗名義係米線鋪，有部份亦會賣埋米線，今日試下比較出名的連鎖米線鋪。同其他米線鋪一樣，都係揀湯、揀辣度、揀餸。雞絲炸醬小麻辣米線雞絲：食落幾有層次，索入湯底既辣味。炸醬：直接落埋入碗，唔似另一間大型連鎖米線鋪用碗上，感覺份量適中，邊食邊飲湯底都幾好。湯底：傾向麻啲，唔係外面個種死辣，呢間比出面貴，我覺得主要係湯底較好！兩餸米線連飲品埋單$55，算係比平均貴既水平。

疫情下只可以買外賣，開咗咁耐都未試過，事關食開雲川！但見人多就試下雲桂香，雖然無乜人心知都唔可以同雲川比但估唔到唔係味道出事！係張單可以全錯豬頸肉豬腸米線雞絲豬腸米線菜心涷奶茶多奶味道係正常嘅，係杯奶茶甜到嘔 但睇返我其實叫咗咩👇🏻👇🏻👇🏻👇🏻👇🏻👇🏻👇🏻完全無一樣啱！👏🏻 真係好勁！當時我前面兩個客都只係叫一碗米線而且都唔广係呢啲餸！我聽到佢哋係啲魚卷，丸咁…我唔知呢啲嘢係點，當時客又唔多！佢哋又無外賣apps 接單！都可以錯！廚房出前菜攝錯嘢，個阿姐加蓋同包裝又唔睇單！外賣又無諗過一手拆….錯少少我都算，但除咗雞絲無樣啱！ 完全係發夢！我仲要親身去唔係打電話，唔怪得無人去！

星期五Lunch路過，一個人入去食。大概下午1點，人都多，還好一個人易搵位，即時入座。坐低嗌左個港式米線 $26，加左一個鮮蝦卷，見到有"推介"嘅標誌就試下，都唔平，$9。因為窮，就咁。嗌完之後俾阿姐白眼，好似意思係"下 嗌一個餸咁cheap?" 咁我都過左你最低消費，有問題咩？好啦，等食物期間有幾轉黎錯食物，包括我張枱同附近枱。唔緊要，最後我果碗係啱嘅。嘩，個 $9嘅蝦卷，真係好細，有3粒咁大把。然後我終於都明白點解我suppose係要嗌多個餸。味道係正常嘅，湯底有胡椒味，都唔錯。米線份量都足夠。只係個蝦卷我覺得幾搵笨。咁一食完，放低筷子，阿姐就過黎問我要唔要。咁我話唔要喇，佢就收起，然後嗌出去"兩位有位!" 然後兩個顧客就入左黎企喺我面前睇住我呻鼻水 (我食完熱嘢要呻一堆鼻水，俾人睇住好尷)、飲水、戴返口罩。一放低筷子都唔夠30秒，就俾個壓力趕左我去埋單。雖然我都知唔係cafe咁可以坐好耐，又繁忙時間，但咁樣嘅趕客態度，講真真係冇下次。

每間分店都唔同味，唔知點解呢間好似淡味好多。。。麻辣小窩米線腩肉通菜小辣對比起其他分店佢真係淡過水，一啲都辣因為個湯底嘅原因，所以索湯嘅通菜都一啲都唔好食ಠ_ಠ對比起其他分店，今次真係稍為遜色咗少少🤏 唯有下次去另一間食咁當然佢唔可以叫做難食，我都食左七成只係其他分店好食d咁解，唔知係分店嘅湯頭唔同定係我當日嘅運氣唔巧呢ಠ_ಠ 至於個麵，都係咁上下啦 主要係湯嘅問題🥲