桃園眷村 (已結業)

早Gym前想揾啲轻食医下肚，啱啱去完台湾返嚟，自然就零舍记挂当地出名嘅早餐店，食材简单价钱实惠，但味道真系一啲都唔输蚀！朗豪坊呢间桃园眷村网上评价不俗，平日四点几嚟都依然坐满人。我就叫咗佢其中一样热门招牌菜功夫辣鸡腿烧饼黎试，无得跟餐叫野饮，其实售价系有啲贵。定价就好似将台币嘅价钱转港币，所以你话香港物价几高丫🤦🏻‍♀不过我成日觉得食落肚梗系要对自己好啲啦，如果佢好味嘅话其实我愿意俾贵少少。但系好可惜嚟到嘅时候发现佢都唔系热辣辣，而且块鸡有鸡皮，都颇多脂肪，好明显店家冇细心处理过块鸡扒！犹幸块外皮脆脆地口感几得意，先无咁total lost嘅感觉。不过我谂我未必再俾机会呢间餐厅了，始终台式食品系香港真系有好多选择！