Zuma Hong Kong

营业中

休息中

zuma系英国进驻嘅fusion日本料理，系伦敦既时候我已经食过，谂住香港既水准都keep到所以黎试下。呢度装修布置好特别，用左好多落地玻璃，楼底好高，但就好嘈，话佢系高级餐厅又唔系，似系比人饮酒谈欢多啲，仲要大部份人都系鬼佬多。听好多人讲都话要试佢地嘅刺身，今次我点左两个都系tartar，刺身牛同几款唔同既寿司卷物等..先试呢个salmon tartar配上鱼子酱，下面有酱油浸住，加d柠檬汁上去捞埋黎食好好味，真系好新鲜..跟住到otoro同salmon既tartar combo，上面都系有鱼子酱再加d葱粒，净系睇卖相都一流，油脂分布均匀，放系炸莲藕片一齐食好正，比上面既更加滑同口感黏啲..到呢个松露片配刺身和牛，包埋d青瓜口感好清新，但酱料好普通，尚待改善。其他寿司卷物好一般，不值一提。感觉呢一间系名过于实，虽然食得出用料上乘，但因为价钱太贵而且唔值所以唔推荐，不过同客食饭都系唔错既选择但一定唔会自己黎，想食正宗既日本料理更加唔会拣呢间。值得一赞既系呢度既服务，都算几专业嘅，每上一道菜都会为我地讲解。