方榮記沙嗲牛肉專家

营业中

休息中

今日同同事farewell ，于是book咗呢间试下，一去到安排我哋坐最里面𠮶张枱，行到发觉张枱贴住好污糟嘅墙，已经要求坐第二张，点知个亚姐话另外𠮶张系十几人坐嘅，咁我哋就照坐返原本安排好的枱，其实个环境有啲差啰，已经感觉唔多好！但我哋食到一半发现另外𠮶张枱嘅客人入座后亦都系同我哋一样系7个人啰，又话坐十几个，摆明喺等我哋坐污糟𠮶张先，否则无人坐。到我哋叫嘢饮，叫完后发觉原来有支装汽水，就叫亚姐帮我哋换，点知𠮶个亚姐d眼神十分不愿意及不友善，换支嘢饮就好似要杀人咁款。至于食物方面 ，牛肉还可以，只系可以，不是好好食𠮶种，但$298/1碟又细碟 ，除咗炸鱼皮同虾好食，其他食物都系一般，鹅肠淡而无味，饺类唔好食，就好似出面任食𠮶d质数。我之前已经睇咗都有好多劣评，亦都有好多好评，我依家终于知道好评都好可能系打手啰，呢间一定无下次！