影片
更多
2023-01-29
1159 浏览
老爸生日佢中意食中菜所以一家人嚟试下呢间都出名好食嘅食店我地食第二轮830pm，坐低嘅时候早到嘅隔离枱已经上左菜，望到碟𩠌都几大碟，所以餐牌大部分过百元都觉得唔过份我地叫左8个𩠌，可惜一上枱全部野都好细碟，望到厨房系同一时间出4、5枱同一款𩠌，都估到厨房一次过炒所以分薄哂，但估唔到一碟咕噜肉得几件肉, 配料仲多过肉($113)😑啫啫通菜煲隔离枱满哂仲好多虾干，我地得半煲几只虾干($88)😢燕麦金沙虾球，8只虾($113)，虾球偏细，但咸蛋黄味道系唔错嘅其他食物都偏咸，由其系薯仔牛柳粒($113)，粒牛真系超级咸，又系薯仔多过牛，厨房真系分得好唔平均😑猪油捞饭($23)，催左两次最后食哂啲𩠌都未上，结果系话原来漏左单，唔紧要啦因为未食过所以都等埋试下，结果系失望嘅，落左都几多猪油，依然食唔到猪油嘅香味🥲总括嚟讲成餐饭都好麻麻，应该唔会再试
我地食第二轮830pm，坐低嘅时候早到嘅隔离枱已经上左菜，望到碟𩠌都几大碟，所以餐牌大部分过百元都觉得唔过份
我地叫左8个𩠌，可惜一上枱全部野都好细碟，望到厨房系同一时间出4、5枱同一款𩠌，都估到厨房一次过炒所以分薄哂，但估唔到一碟咕噜肉得几件肉, 配料仲多过肉($113)😑
啫啫通菜煲隔离枱满哂仲好多虾干，我地得半煲几只虾干($88)😢
燕麦金沙虾球，8只虾($113)，虾球偏细，但咸蛋黄味道系唔错嘅
其他食物都偏咸，由其系薯仔牛柳粒($113)，粒牛真系超级咸，又系薯仔多过牛，厨房真系分得好唔平均😑
猪油捞饭($23)，催左两次最后食哂啲𩠌都未上，结果系话原来漏左单，唔紧要啦因为未食过所以都等埋试下，结果系失望嘅，落左都几多猪油，依然食唔到猪油嘅香味🥲
总括嚟讲成餐饭都好麻麻，应该唔会再试
张贴
