津津食家

营业中

休息中

听讲呢度就快结业因为要重建所以先至令朋友话要嚟帮衬，我哋两个人住三个𩠌，三个都唔掂，除咗系大排档风味之外就只有唔好味。豉椒炒蚬冇乜豆豉，最大件事就系壳多过肉，究竟啲肉去晒边？朋友话可能系储埋几碟一次过炒，我哋啲肉就去咗人地𠮶碟，而人地啲壳就去咗我哋𠮶碟。椒盐白饭鱼直头唔合格，都唔好话椒盐，佢好似连盐都冇落，唯一好处就系啲白饭鱼都几大条，粉浆又唔系好厚，大排档食呢啲椒盐嘢都唔掂真系有啲离谱。呢个小炒王都算经典，我估佢哋畀人投诉过好多次，所以我哋叫嘅时候佢都讲解返佢哋呢度嘅小炒王同出面嘅好唔好，虽然我哋知道每间芋头都可以有自己style嘅小炒王，不过如果讲解畀客人听唔出呢一个似宫保鸡丁多个小炒王嘅𩠌，唔比人投诉就假。