春芳號 (裕民坊YM²)

营业中

休息中

细食嘅我，系观塘放lunch嘅时候最钟意去观塘裕民坊商场嘅春芳号度，食少少嘢。特别系佢一杯饮品之后，可以加$20加配一个吐司，对于细食嘅女仔嚟讲真系啱啱好。而且饮品嘅选择都多，除咗一般嘅珍珠奶茶之外，仲会有紫薯奶茶，地瓜奶茶同埋豆花奶茶。钟意食豆腐花嘅我，就最适合嗌一杯豆花奶茶啦！而佢嘅吐司份量份量都足够，我叫咗个紫薯肉松吐司中间有肉松好多，如果想食肉嘅话亦都可以叫一个火腿芝士吐司，两个味道都唔错。但要留意一点嘅系，佢珍珠要喺12:30先有，所以放lunch去食嘅话，就未必食得到珍珠。