WM Café & Bar (科學園) (已搬遷) 新店位置

上星期日同个外地返嚟嘅朋友搞个踩单车活动，途经吐露港科学园嘅时候朋友话不如食个下午茶，结果就入咗呢间店前摆住餐牌有下午茶餐呢餐厅。入到黎餐厅先知道系小店经营模式，同朋友坐低之后就极速叫咗个下午茶餐，朋友叫咗个意粉，而我就叫咗个牛肉汉堡包，另外仲加几蚊要左个南瓜汤。汉堡扒一食就知道系落order完先即刻煎，非常juicy, 薯条亦炸得非常香脆。食紧嘢食嘅时候先上汤，南瓜汤一饮真系好似食紧个南瓜咁，而且热度啱啱好，我𠮶时就心谂如果呢间野唔系科学园而系市区，我谂生意都应该唔忧做。就系咁系一个近乎完美嘅下午茶餐帮助，我同我朋友都渡过左一个好愉快嘅假日下午。