亞龍咖喱

营业中

休息中

去到佐敦庙街，发现有两间黐埋一齐嘅咖喱店都系叫阿龙咖喱，一间黄色铺面，一间白色招牌，多咗正宗两个字，上网翻查，知道正宗𠮶一间应该系正宗𠮶间，第二间就应该系分拆出嚟嘅。入到去叫咗个咖喱牛腩饭，其实个人就好喜欢食巴基斯坦咖喱，𠮶阵时通常都去一间生x 咖喱饭食，不过自从佢哋执咗笠之后就好少食到巴基斯坦咖喱。一上到嚟，𠮶啲牛腩饭叫卖相真系麻麻哋，不过食嘢就系食味道，点都会试吓先。果然冇失望，啲咖喱好香，洋葱嘅份量亦都好足够，少少已经可以捞多饭食，食得出好多香料嘅味道，唔会太抢亦都唔会太辣，牛腩不过不失，叫做半肥瘦，冇乜特别大嘅惊喜，不过都好好食。下次会再试吓佢嘅牛脷睇吓有冇惊喜先！作为食lunch嘅地方，会再翻食。