君悅咖啡廳

营业中

休息中

为靓靓妈咪庆生，疫情下一家四口决定选于湾仔「香港君悦酒店」潮玩staycation。酒店离湾仔地铁站只需步行八分钟左右，与香港会议展览中心直接相连嘅入口（下图右方位置）都好易揾。五星级酒店嘅大堂富丽堂皇。中央大大盆兰花鲜艳有气派。升级海景套房面积宽广，睡房、客厅、浴室嘅空间感都一样咁足，豪华得很。浴室延伸至睡房嘅设计尤其时尚。最煞食就系个无敌海景，日夜都咁迷人璀璨。办妥好入住手续后，午餐就直接喺「君悦咖啡厅」度食。楼底高高嘅餐室十分开扬，空气亦相当流通。于限聚令下，通道都一定有一点五米嘅距离，餐桌自然地分隔得够开，而且张枱大极都只能摆出二人散座。相信中间𠮶排红色厚垫卡位应最为舒适。每位席上都摆有齐备嘅自用中西餐具、口罩套及湿纸巾。午市散点餐牌大大张，一边中文，一边英文。细啲𠮶张为三道菜午市套餐嘅餐牌，同样有齐底面嘅中英文版。场内嘅服务生其实都好熟手，只系碰巧满座时难免会显得人手不足。点好菜，先有面包篮。四口子中，只有哥哥点选套餐，头盘要凯撒沙律，主菜点阿根廷西冷，餐饮就拣咗杯特浓咖啡。当中甜品一环可于雪柜内任拣一款西饼或自家制雪糕。大肥爸爸同靓靓妈咪喺隔离枱分咗三款轻怡版嘅香茅大虾沙律