吞POT 雞煲火鍋.住家菜 (山林道) (已結業)

为咗庆祝朋友揾到工作，今日决定同朋友去食吞pot！吞pot一下！之前喺IG度见到有人打卡系呢间餐厅食饭，就俾佢呢个名吸引咗！虽然系平日去食，但我哋都有预早预约！大约夜晚7点左右，我哋就入咗餐厅就坐，侍应安排咗我哋坐喺电视附近，方便我哋睇奥运，好贴心！之后又攞左唔同种类嘅酱料俾我哋自己调制，有好多选择啊，只需要每位$12！跟住我哋就嗌咗花雕药膳鸡煲，见到个名已经好吸引，我哋仲嗌左菜菜篮、乌冬同汽水！当花雕药膳鸡煲送咗枱面嘅时候已经闻到好浓嘅药膳香味，煲得越耐越香添！入边仲有好丰富嘅配料，有淮山、红枣、杞子等，未食鸡肉之前我已经即刻饮咗半碗汤，真系好鲜甜！再试埋啲鸡肉，好鲜滑！菜同乌冬放喺汤底度都变得更加好食，我同朋友食完都表示好满足呢！