What The Food Cafe (已結業)

想试呢一间Cafe好耐！我住咗粉岭好多年都冇试过，有朋友同我讲话呢一间餐厅好抵食，见网上评语都唔错，想试好耐，咁岩今日有朋友入嚟粉岭揾我，我哋就约喺呢间餐厅度等！我朋友先到，餐厅一定要嗌餐先可以坐低，我朋友就先嗌左再等我过嚟，因为呢一间餐厅系工厂大厦，睇Google行兜咗几个圈，完全冇任何指示牌，有啲难揾！原来我成日经过，自己都唔知！入到去工厂大厦，坐货䢂上去，但完全唔知自己去嘅地方啱唔啱，打开䢂门后就觉得应该系呢一间cafe,一打开䢂门见到公共洗手间，感觉好唔卫生，而且个洗手间浸味好大转左手边就系cafe门口，推门入去见到有大概三四台食客，cafe算宽敞楼底高!我朋友叫咗汉堡包set,我就叫咗个蛋包鳗鱼饭，因为听闻呢个饭系最出名嘅，本人又好钟意食鳗鱼，所以就叫黎试吓睇吓有几得！食物黎得都几快，同朋友一路食一路倾，原来好快已经90分钟，叫我买单，朋友最后先话我知原来只能够坐90分钟，但之后餐厅其实只有两台客，唔明点解唔可以俾我哋坐耐啲，佢话因为限聚令，同埋人流管制，本人就觉得唔系好Make sense，因为我哋倾偈都戴上口罩，加上餐厅其实都冇乜人，咁你本身系Cafe，就正常可以俾人坐耐