香葉越式料理 (已結業)

成日行经都唔多人，心谂可能唔多好食。但打完波好肚饿，行番出o黎最近就系呢间，都勉强试下喇，琴日成八点钟得几客，不过讲真，以佢的装修格局都ok ga，而且仲播jazz，难系high，好过去老赵迫到死。有套餐而且唔算贵，但唔多o岩食。睇佢menu都有d创新菜式，都几吸引，奈何得两个人食唔到d咩野。先o黎两个小食，手撕鸡柚子沙律-鸡丝都几滑，柚子就有带d苦味、越式素菜卷-初时睇落去我似为系用椰菜做皮，原来佢较特别系将d米纸蒸熟后才包，所以系热食。之后仲有炒杂菜、香茅猪扒捞檬同一杯三色冰，香茅猪扒几大块，够松化唔会好实好干，用o黎捞檬的鱼露，就麻麻地，好淡唔够鲜味，碟炒杂菜有好多西兰花仲好大旧，唔似其他舖头，俾埋d好平的菜头菜尾炒埋一碟。