Still

营业中

休息中

今日又来到启岸，睇到哩间西餐厅唔错，咁试试。启岸餐厅晚市大部分都唔算full，所以都坐得几舒服，同埋环境都好静，适合同FD吹水。小食炸鸡软骨，鸡软骨炸得好香脆，落咗少少盐，唔错。招牌西班牙水果茶，茶底好香，加咗柚子等新鲜水果蓉，饮落层次好丰富。黑毛猪火腿及辣肉肠火腿,搭配埋酸种面包同腌制橄榄。火腿食落脂分明，唔会觉得好咸，搭配埋酸种面包一齐食好味。黑松露白毛猪火腿多士，多士好香脆，沙律酱好香黑松露味，同火腿好夹。香煎慢煮八爪鱼，八爪鱼煮得啱啱好，食落好Q弹，唔会觉得硬，搭配咗两款唔同风味嘅酱汁，唔错。带子刺身配西柚柚子醋，带子好新鲜，可以食得出带子嘅鲜甜，柚子醋唔会好酸抢晒带子味。慢煮北海道十胜猪楠配泰式酱汁，猪楠煎得好香，泰式酱汁搭配猪腩肉食落好清爽。甜品拣咗特浓朱古力心太软配柚子雪葩，心太软送上来仲热笠笠，切开真系流心，OK。朱古力好香浓，唔会觉得好甜，搭配埋柚子雪葩酸甜味，成个甜品食晒都唔觉得滞。哩间餐厅出品好高质，位置就未算就脚，以后去FD屋企可以再encore！