宏 (已結業)

一去到门口，就俾佢甜品柜里面嘅甜品、蛋糕同埋马卡龙吸引住，好彩唔驶等好耐就有位！餐厅环境阔落，最啱同朋友嚟呢度倾计食饭。我同朋友一人带咗一个定食，有沙律，加主菜一个定食、一碗冬乌冬，另外仲有埋杯饮品同埋一个甜品小卷蛋。杯宇治抹茶奶真系好精致，而且好滑。另外，青森苹果汁唔系度度有得饮，非常之特别，甜得来带点酸，唔错唔错！烧鳗鱼定食分量亦都唔细，男士利息绝对唔怕唔饱。条鳗鱼好有鲜味，绝对唔会俾佢啲酱汁覆盖左佢嘅鲜味！另一个炸猪扒定食酱汁酸酸地，几开胃。加埋松软嘅猪扒，送饭一流！而且佢个定食仲有一碗汤乌冬，个汤清清地，乌冬亦都够弹牙！最出色嘅当然系佢嘅甜品啦！一人试咗一个味道嘅小卷蛋，一款芝麻味、一款抹茶味！芝麻味𠮶一款仲要唔系度度有得试，食落唔算甜，而且口感好丰富，都系惊喜嘅配搭！